தங்கத்தில் முதலீடு
தங்கத்தின் மீதான ஈர்ப்பு இந்திய மக்களிடம் அதிகமாகவே உள்ளது. இதன்காரணமாக தங்கம் விலை உயர்ந்தாலும், குறைந்தாலும் நகைக்கடைகளில் மக்களின் கூட்டம் அலைமோதி காணப்படுகிறது. அதிலும் அட்சிய திருதியையொட்டி கடந்த இரண்டு தினங்களில் மட்டும் 25ஆயிரம் கிலோ அளவிற்கு அதாவது சுமார் 40 ஆயிரம் கோடிக்கு தங்கம் விற்பனையானதாக நகை வியாபாரிகள் தெரிவித்துள்ளனர். கடந்த 2025ஆம் ஆண்டு தொடக்கத்தில் ஒரு சவரன் தங்கத்தின் விலை 55ஆயிரம் ரூபாய்க்கு விற்பனையான நிலையில், 2026ஆம் ஆண்டு தொடக்கத்தில் 1.34 லட்சத்தை எட்டியது.
ஏறி இறங்கும் தங்கம் விலை
இந்த சூழ்நிலையில் தான் ஈரான்- அமெரிக்கா போர் காரணமாக தங்கம் விலை மேலும் அதிகரிக்கும் என எதிர்பார்க்கப்பட்ட நிலையில், திடீர் திருப்பமாக தங்கம் விலையானது குறைய தொடங்கியது. ஒரு சவரன் ஒரு லட்சம் ரூபாய் என்ற அளவில் குறைந்ததால் நகைப்பிரியர்கள் போட்டி போட்டு தங்கத்தை வாங்கி குவித்தார். இந்த நிலையில் தற்போது போர் பதற்றம் குறைந்ததையடுத்து மீண்டும் தங்கம் விலை உயர்ந்து வருகிறது.
தங்கம் விலை நிலவரம்
- 16-ம் தேதி ஒரு கிராம் 14,360 ரூபாயாகவும், ஒரு சவரன் 1,14,880 ரூபாயாகவும் விற்பனையானது.
- 17-ம் தேதி ஒரு கிராம் 14,210 ரூபாயாகவும், ஒரு சவரன் 1,13,680 ரூபாயாகவும் விற்பனை செய்யப்பட்டது.
- 18-ம் தேதி ஒரு கிராம் தங்கம் 14,360 ரூபாயாகவும், ஒரு சவரன் 1,14,880 ரூபாயாகவும் விற்பனையானது.
- 19-ம் தேதி தங்கம் விலையில் மாற்றமில்லை
- 20-ம் தேதி தங்கத்தின் விலையானது குறைந்தது. கிராம் ஒன்று 14,300 ரூபாய்க்கும், சவரன் 1,14,400 ரூபாய்க்கு விற்பனை செய்யப்பட்டது.
இன்றைய தங்கம், வெள்ளி விலை நிலவரம்
வாரத்தின் முதல் நாளான நேற்று தங்கத்தின் விலையானது குறைந்து நகைப்பிரியர்களை மகிழ்ச்சி அடையவைத்தது. இந்த நிலையில் தங்கம் விலையில் எந்தவித மாற்றமும் இன்றி நேற்றைய விலையான கிராம் ஒன்று 14,300 ரூபாய்க்கும், சவரன் 1,14,400 ரூபாய்க்கு விற்பனை செய்யப்படுகிறது.
அதே நேரம் வெள்ளியின் விலையானது கிராம் ஒன்றுக்கு 5 ரூபாய் குறைந்து 275 ரூபாய்க்கும், கிலோ பார் வெள்ளிக்கு 5ஆயிரம் ரூபாய் குறைந்து 2 லட்சத்து 75ஆயிரம் ரூபாய்க்கு விற்பனை செய்யப்படுகிறது.