தங்கத்தில் முதலீடு
தங்கத்தின் மீதான ஈர்ப்பு மற்ற நாட்டு மக்களை விட இந்திய மக்களிடம் அதிகமாகவே உள்ளது. இதன் காரணமாக பண்டிகை நாட்கள், திருமணம், பிறந்த நாட்களில் தங்கத்தை அதிகளவில் வாங்கி வருகிறார்கள். இந்த நிலையில் தான் தங்கத்தின் விலையானது கடந்த சில வருடங்களில் எட்ட முடியாத புதிய உச்சத்தை தொட்டது. அதிலும் 2026ஆம் ஆண்டு தொடக்கமே நகைப்பிரியர்களுக்கு அதிர்ச்சியை கொடுத்துள்ளது. ஒரு சவரன் தங்கம் விலையானது புதிய உச்சமாக ரூ. 1.34 லட்சத்தை எட்டியது. ஆனால் அடுத்த அடுத்த நாட்களில் தங்கத்தின் விலையானது குறைய தொடங்கியது.
தற்போது அமெரிக்கா- ஈரான் இடையே நடைபெற்று வரும் போர் காரணமாக தங்கத்தின் விலையானது மேலும் உயரும் என எதிர்பார்க்கப்பட்ட நிலையில், திடீர் திருப்பமாக தங்கம் விலையானது குறைந்தது. இதற்கு முக்கிய காரணமாக கச்சா எண்ணெய் மீதான முதலீடு அதிகரித்ததே என பொருளாதார வல்லுநர்கள் தெரிவித்துள்ளனர்.
தங்கம் விலை நிலவரம்
- ஏப்ரல் 3-ம் தேதி - தங்கத்தின் கிராம் ஒன்றுக்கு 100 ரூபாய் விலை உயர்ந்து 13,850 ரூபாய்க்கும், சவரனுக்கு 800 ரூபாய் உயர்ந்து 1,10,800 ரூபாய்க்கும் ஒரு விற்பனையானது.
- ஏப்ரல் 4ஆம் தேதி- சவரனுக்கு 800 ரூபாய் உயர்ந்து, ஒரு சவரன் 1,11,600 ரூபாய்க்கும், கிராமிற்கு 100 ரூபாய் உயர்ந்து, ஒரு கிராம் 13,950 ரூபாய்க்கும் விற்பனையானது.
- ஏப்ரல் 5ஆம் தேதி- தங்கம் விலையில் மாற்றமில்லை
- ஏப்ரல் 6ஆம் தேதி காலையில் கிராம் ஒன்றுக்கு 140 ரூபாய் குறைந்து 13,810 ரூபாய்க்கு விற்பனையான நிலையில் மாலையில் திடீரென தங்கம் விலையானது உயர்ந்தது. கிராமுக்கு 180 ரூபாய் உயர்ந்து 13,990 ரூபாய்க்கும், சவரனுக்கு 1,440 ரூபாய் அதிகரித்து 1,11,920 ரூபாய்க்கு விற்பனையானது.
இன்றைய தங்கம் வெள்ளி விலை என்ன.?
தங்கத்தின் விலையானது நேற்று காலை குறைந்திந்திருந்த நிலையில் மாலையில் அதிகரித்து நகைப்பிரியர்களை அதிர்ச்சி அடைய செய்தது. இந்த நிலையில் இன்று தங்கத்தின் விலையானது குறைந்துள்ளது. கிராம் ஒன்றுக்கு 130 ரூபாய் குறைந்து 13,860 ரூபாய்க்கும், சவரனுக்கு 1,040 ரூபாய் குறைந்து 1,10,880 ரூபாய்க்கு விற்பனை செய்யப்படுகிறது.
இதேபோல வெள்ளியின் விலையானது குறைந்துள்ளது. கிராம் ஒன்றுக்கு 5 ரூபாய் குறைந்து 255 ரூபாய்க்கும், கிலோ பார் வெள்ளிக்கு 5ஆயிரம் ரூபாய் குறைந்து 2 லட்சத்து 55ஆயிரம் ரூபாய்க்கும் விற்பனையாகிறது.