Year Ender 2024 Auto: முடிச்சுவிட்டீங்க போங்க..! 2024 உடன் உற்பத்தியை நிறுத்திய கார் மாடல்கள் - இதெல்லாமா? காரணம்?

Year Ender 2024 Auto: இந்திய ஆட்டோமொபைல் சந்தையில் நடப்பாண்டுடன் உற்பத்தியை நிறுத்திய, கார் மாடல்கள் குறித்து இந்த தொகுப்பில் அறியலாம்.

Year Ender 2024 Auto: இந்திய ஆட்டோமொபைல் சந்தையில் நடப்பாண்டுடன் உற்பத்தியை நிறுத்திய, கார் மாடல்கள் கீழே பட்டியலிடப்பட்டுள்ளன.

2024ல் உற்பத்தி நிறுத்தப்பட்ட கார் மாடல்கள்:

இந்திய ஆட்டோமொபைல் துறைக்கு 2024ம் ஆண்டை மறக்கமுடியாததாகக் கருதலாம். இந்த காலகட்டத்தில், பல்வேறு வாகன உற்பத்தியாளர்கள் தங்களின் பல புதிய கார் மாடல்களை அறிமுகப்படுத்தினர். அதேநேரம், இந்திய ஆட்டோமொபைல் சந்தையில், சில வாகனங்கள் தங்களது உற்பத்தியை நிறுத்தியுள்ளன. 2024 ஆம் ஆண்டில் இந்திய சந்தையில் இருந்து விலகும் அந்த வாகனங்களைப் பற்றி இங்கே நாங்கள் உங்களுக்குச் சொல்கிறோம். 

2024ல் உற்பத்தியை இழந்த கார்கள்

1. மஹிந்திரா மராஸ்ஸோ

இது சிலருக்கு ஆச்சரியமாக இருக்கலாம், ஆனால் மஹிந்திரா மராஸ்ஸோ MPV சமீப காலம் வரை இந்திய சந்தையில் இருந்தது. அதன் கடைசி மாதமான நவம்பரில், MUV வெறும் ஒன்பது யூனிட்களை மட்டுமே விற்பனை செய்தது. இருப்பினும், ஜூலை 2024 இல், மஹிந்திரா இந்த MPVயை அதன் அதிகாரப்பூர்வ இணையதளத்தில் இருந்து நீக்கியது. ஊடக அறிக்கைகளின்படி, இந்த கார் இப்போது அதிகாரப்பூர்வமாக சந்தையில் இருந்து வெளியேறிவிட்டது. மராஸ்ஸோ 1.5 லிட்டர் டீசல் இன்ஜின் மூலம் இயக்கப்படுகிறது. இந்த 3,500 ஆர்பிஎம்மில் 121 பிஎச்பி ஆற்றலையும், 1,750-2,500 ஆர்பிஎம்மில் 300 என்எம் டார்க்கையும் உருவாக்கும். 6-ஸ்பீடு மேனுவல் டிரான்ஸ்மிஷனுடன் இணைக்கப்பட்டது.

2. ஹூண்டாய் கோனா எலக்ட்ரிக்

கடந்த 2019ம் ஆண்டு இந்தியாவில் அறிமுகமான ஹூண்டாய் கோனா தற்போது நிறுத்தப்பட்டுள்ளது. இந்திய சந்தையில் கிடைக்கும் முதல் மின்சார வாகனங்களில் இதுவும் ஒன்று. கோனா எலக்ட்ரிக் உலக சந்தையில் கிடைக்கிறது. ஹூண்டாய் ஜனவரி 2025 இல் Creta EV ஐ அறிமுகப்படுத்தும், இது இந்தியாவில் நிறுவனத்தின் மலிவான EV ஆகும். கோனா எலக்ட்ரிக்கில் 39.2 kWh மோட்டாரை கொண்டு 134 bhp மற்றும் 395 Nm அவுட்புட் கொண்டது. முழுமையாக சார்ஜ் செய்தால் 452 கிலோமீட்டர் தூரம் பயணிக்கும் என கூறப்பட்டது.

3. ஜாகுவார் ஐ-பேஸ்

ஜாகுவார் இந்திய சந்தையில் EV ஐ அறிமுகப்படுத்திய முதல் பிரீமியம் ஆட்டோமொபைல் உற்பத்தி நிறுவனமாகும். ஜாகுவார் ஐ-பேஸில் 90 kWh பேட்டரி பேக் கொண்ட இரண்டு மின்சார மோட்டார்கள் உள்ளன. இது 394 பிஎச்பி பவரையும், 695 என்எம் டார்க்கையும் உருவாக்கும் திறன் கொண்டது. இது 470 கிமீ ரேஞ்ச் கொண்டிருந்தது. இது 0 முதல் 100 கிமீ வேகத்தை 4.8 வினாடிகளில் எட்டிவிடும். மேலும் இதன் உச்ச வேகம் மணிக்கு 200 கி.மீ ஆகும்.

4. மினி கூப்பர் SE மற்றும் கண்ட்ரிமேன்

Mini இந்தியாவில் Cooper SE மற்றும் Countryman கார் மாடல்கள் விற்பனையை நிறுத்திவிட்டது. முற்றிலும் மின்சார வாகனமான கூப்பர் SE ஆனது 32.6 kWh ஆற்றல் வெளியீடு மற்றும் ஒரு ஒற்றை மின்சார மோட்டாரைக் கொண்டிருந்தது. இது 181 பிஎச்பி பவரையும், 270 என்எம் டார்க் வெளியீட்டையும் கொடுத்தது. மேலும் 0 - 100 கிமீ வேகத்தை 7.3 வினாடிகளில் அடையலாம்.

பெட்ரோலில் இயங்கும் கன்ட்ரிமேன் 175 பிஎச்பி ஆற்றலையும் 280 என்எம் டார்க்கையும் உருவாக்கும் 2-லிட்டர் இன்ஜினை கொண்டிருந்தது. 0 - 100 கிமீ வேகத்தை 7.5 வினாடிகளில் எட்டிவிடும். இது 7-ஸ்பீடு இரட்டை கிளட்ச் தானியங்கி டிரான்ஸ்மிஷனுடன் இணைக்கப்பட்டது.

Car loan Information: