பிரபல வலைப்பதிவரும் இன்ஃப்ளூயன்சருமான அனுனய் சூட், இறந்த செய்தி வெளியாகி, இணையத்தில் பரபரப்பை ஏற்படுத்தியுள்ளது.

அனுனய் சூட் 32 வயதில் காலமாகி உள்ளார்.

அவரது மரணத்திற்கான காரணம் இன்னும் உறுதியாகத் தெரியவில்லை. பிரபல டிராவல் இன்ஃப்ளூயன்சராக இருந்ததோடு, அனுனய் சூட் ஒரு புகைப்படக் கலைஞராகவும் இருந்தார். இன்ஸ்டாகிராமில் அவருக்கு லட்சக்கணக்கான பின்தொடர்பவர்கள் இருந்தனர்.

வீடியோக்கள் மூலம், அனுனய் சூட், உலகம் முழுவதும் உள்ள அழகான இடங்களை,பயண குறிப்புகளை பகிர்ந்து கொண்டார்.

அவரது மரணத்திற்கு முன் அவரது கடைசி பதிவு லாஸ் வேகாஸில் இருந்து வந்தது.

அவரின் குடும்பத்தினர், ‘’இந்த கடினமான நேரத்தில், உங்கள் அனுதாபத்தையும், எங்கள் தனிமைக்கான மரியாதையையும் நாங்கள் கோருகிறோம். தயவுசெய்து எங்கள் வீட்டின் வெளியே கூட்டம் கூடுவதைத் தவிர்க்கவும்’’ என்று தெரிவித்துள்ளனர்.

அனுனய் சூட் இன்ஸ்டாகிராமில் 14 மில்லியனுக்கும் அதிகமான ஃபாலோயர்களைக் கொண்டிருந்தார் மற்றும் அவரது யூடியூப் சேனலில் 380000 சந்தாதாரர்களைக் கொண்டிருந்தார். அவர் தனது பயண புகைப்படங்கள் ரீல்ஸ் வீடியோக்கள் மற்றும் வலைப்பதிவுகளுக்காக பிரபலமானார்.

அனுனய் சூட் தொடர்ந்து மூன்று ஆண்டுகளுக்கு ஃபோர்ப்ஸ் இந்தியாவின் சிறந்த 100 டிஜிட்டல் நட்சத்திரங்கள் பட்டியலில் இடம் பிடித்தார். அவர் துபாயில் வசித்து ஒரு மார்க்கெட்டிங் நிறுவனத்தை நடத்தி வந்தார்.

அவரது கடைசி பதிவு லாஸ் வேகாஸில் நடைபெற்ற கார் நிகழ்வைப் பற்றியது. அங்குள்ள கார்களின் சில புகைப்படங்களைப் பகிர்ந்து கொண்டார்...

இந்த தகவல் இணையத்தில் வைரலாகி வருகிறது.