அட.. பலாக்கொட்டைல இவ்வளவு ஆரோக்கிய நன்மைகளா?

பலாப்பழ கொட்டைகள்(விதை) அதிக ஊட்டச்சத்து நிறைந்தவை. அதில், நார்ச்சத்து, புரதம், மெக்னீசியம், இரும்பு போன்ற அத்தியாவசிய தாதுக்கள் நிறைந்துள்ளன. செரிமானம், நோய் எதிர்ப்பு சக்தி, சர்க்கரை அளவை கட்டுப்படுத்துதல் போன்ற பல நன்மைகள் உள்ளன.

செரிமானம் மேம்படும்

பலாக்கொட்டைகளில் கரையக்கூடிய மற்றும் கரையாத நார்ச்சத்துக்கள் அதிகம் உள்ளதால், அது மலச்சிக்கலை தடுக்கவும், குடல் ஆரோக்கியத்தை பராமரிக்கவும் உதவுகிறது.

நோய் எதிர்ப்பு சக்தி வலுப்படும்

இதில், பாக்டீரியா எதிர்ப்பு மற்றும் வைரஸ் எதிர்ப்பு பண்புகளுடன், வைட்டமின் ஏ மற்றும் சி ஆகியவை உள்ளதால், நோய்த்தொற்றுகளிலிருந்து நம்மை பாதுகாக்கின்றன.

ஊட்டச்சத்துக்களின் சிறந்த ஆதாரம்

இது, எலும்பு ஆரோக்கியத்திற்கு உதவும் மெக்னீசியம், ரத்த சோகையை தடுக்கும் இரும்புச்சத்து மற்றும் கால்சியம் உள்ளிட்ட அத்தியாவசிய கனிமங்களை வழங்குகிறது.

ரத்த சர்க்கரை மற்றும் உடல் எடை நிர்வாகம்

இதில் இருக்கும் அதிக எதிர்ப்புத்திறன் கொண்ட ஸ்டார்ச் மற்றும் நார்ச்சத்து, ரத்த சர்க்கரை அளவை கட்டுப்படுத்த உதவுகின்றன. அதேபோல், வயிறு நிரம்பியிருப்பது போன்ற உணர்வைத் தரும் தன்மை, உடல் எடையை நிர்வகிக்க உதவுகிறது.

இதய ஆரோக்கியம் மேம்படும்

பலாக்கொட்டையை உண்பது, கெட்ட (LDL) கொழுப்பைக் குறைக்கவும், நல்ல (HDL) கொழுப்பை அதிகரிக்கவும் உதவும். இதனால், இதய ஆரோக்கியம் மேம்படுகிறது.

சருமம் மற்றும் கூந்தல் ஆரோக்கியம்

இதில் உள்ள ஆன்டிஆக்ஸிடன்ட்கள் மற்றும் வைட்டமின் சி, சரும பாதிப்பை குறைத்து, சுருக்கங்கள் போன்ற முதுமை அறிகுறிகளை எதிர்த்துப் போராடவும், கொலாஜன் உருவாக்கத்திற்கும் ஆதரவளிக்கின்றன.

நீடித்த ஆற்றலை வழங்கும்

பலாக்கொட்டையில் கார்போஹைட்ரேட்டுகள் மற்றும் புரதங்கள் நிறைந்துள்ளதால், நமக்கு நீடித்த ஆற்றலை அது வழங்குகிறது.

பலா கொட்டைகளை(விதைகள்) வேக வைக்கலாம், வறுக்கலாம், அவற்றை உலர வைத்து மாவாகவும் அரைத்து உணவுடன் சேர்த்துக் கொள்ளலாம்.

பச்சை பலா கொட்டைகளில், செரிமானத்தை தடுக்கும் ஊட்டச்சத்து எதிர்ப்பிகள் இருப்பதால் எப்போதும் அவற்றை சமைத்தே உண்ணவும்.