பூப்போல இட்லி.. மிருதுவா வர இதெல்லாம் செய்ங்க!

இட்லி சுவை மற்றும் அமைப்பு நன்றாக வர சரியான பொருட்களை தேர்ந்தெடுக்க வேண்டும். பழைய அரிசி மற்றும் நல்ல உளுத்தம் பருப்பு பயன்படுத்தினால் இட்லி மிருதுவாக வரும்.

சாதாரணமாக 3:1 அல்லது 4:1 விகிதத்தில் இட்லி, உளுத்தம் பருப்பு எடுத்தால் நல்லது. உளுத்தம் பருப்பு குறைந்தால் இட்லி இறுகிவிடும்.

அரிசி, உளுத்தம் பருப்பை குறைந்தது 4–6 மணி நேரம் ஊற வைக்க வேண்டும். இல்லையென்றால் மாவு சரியாக வராது.

உளுத்தம் பருப்பை அரைக்கும்போது சிறிது சிறிதாக தண்ணீர் சேர்த்து மென்மையாக அரைக்க வேண்டும். இது இட்லிகள் மிருதுவாக வர உதவும்.

அநேகர் அதிக தண்ணீர் சேர்த்து மாவை மெல்லியதாக ஆக்குகிறார்கள். இதனால் இட்லி சரியாக உப்பி வராது. மாவு எப்போதும் நடுத்தரமாக இருக்க வேண்டும்.

வெப்பமான காலநிலையில் இருக்கும்போது உப்பை முதலில் சேர்த்தால் புளிப்பு அதிகமாகும். எனவே காலநிலையைப் பொறுத்து உப்பு சேர்க்க வேண்டும்.

மாவு குறைந்தபட்சம் 8 மணி நேரம் அல்லது இரவில் புளிக்க வைக்க வேண்டும். இதனால் இட்லி பஞ்சு போல வரும்.

உளுத்தம் பருப்புடன் சிறிது வெந்தயத்தை ஊறவைத்து அரைத்தால் இட்லி இன்னும் மிருதுவாக வரும்.

இட்லி தட்டுகளில் சிறிது எண்ணெய் தடவினால், இட்லிகள் ஒட்டாமல் மெதுவாக வெளியே வரும்.

இட்லிகளை வேகவைத்த பிறகும் அதிக நேரம் ஆவியில் வைத்திருந்தால் இறுகிவிடும்.