மோர் குடிப்பதால் ஏற்படும் நன்மைகள் குறித்து கீழே விரிவாக தெரிந்து கொள்ளலாம்.
இயற்கையாகவே உடலை குளுமையாக வைத்திருக்கும் குணம் மோருக்கு உண்டு. உடலின் வெப்பத்தை இது இயற்கையாகவே தணிக்கும்.
மோர் வயிற்றை குளுமைப்படுத்துகிறது. அதிகபடியான அமிலத்தன்மையை கட்டுப்படுத்தும் தன்மை மோருக்கு உண்டு.
குடல் இயக்கத்தை சீராக்குகிறது. மோர் குடிப்பதால் மலச்சிக்கல் பிரச்சினைக்கு தீர்வு உண்டாகும்.
இதில் அத்தியாவசிய ஊட்டச்சத்துக்களும், எலக்ட்ரோலைட்டுகளும் உள்ளது. உடலைப் புத்துணர்ச்சியுடன் வைத்திக்க உதவும்.
புரோபயாடிக்குகள், வைட்டமின்கள் அதிகளவு இருக்கும் இந்த மோர் நோய் எதிர்ப்பு சக்தியை அதிகரிக்கிறது.
மோரில் உள்ள எலக்ட்ரோலைட்டுகள் உடலில் உள்ள நீர்ச்சத்து குறையாமல் பாதுகாத்துக் கொள்கிறது. வெயில் காலங்களில் குடிக்க வேண்டிய அவசியமான பானமாக மோர் உள்ளது.
மோரில் உள்ள லாக்டிக் அமிலம் சருமத்தை பளபளபாக்கும். வைட்டமின்கள், தாதுக்கள் அதிகம் உள்ளதால் சருமம் பளபளப்பாக இருக்கும்.
ரத்த அழுத்தத்தை குறைக்கும் உயிரிய புரதங்கள் இதில் உள்ளது. இதய ஆரோக்கியத்திற்கும் நல்லது.
இதில் உள்ள புரதங்களும், ஆரோக்கியமான கொழுப்புகளும் கெட்ட கொழுப்பை குறைக்கிறது.
சிறந்த செரிமானம், குடல் ஆரோக்கியத்தை சரி செய்வதால் மோர் உடலில் நோய் பாதிப்பு ஏற்படாமல் தடுக்கிறது.