ஜெர்மன் ஆட்டோமொபைல் ஜாம்பவான் ஃபோக்ஸ்வேகன் அதன் பிரபலமான எஸ்யூவி 'டைகுன்' ஃபேஸ்லிஃப்ட் பதிப்பை 2026 மத்தியில் சந்தையில் வெளியிடும் வாய்ப்புள்ளது.

பழைய மாடலில் இருந்த செவ்வக வடிவமைப்புக்கு பதிலாக, இப்போது புதிய 'ஐ-வடிவ' வளைந்த ஹெட்லைட்கள் மற்றும் எல்இடி டிஆர்எல்களை சேர்த்துள்ளனர்.

முன்பகுதியில் முழு அகல எல்இடி ஸ்ட்ரிப் உடன் ஃபோக்ஸ்வாகன் லோகோ இந்த காருக்கு ஒரு தனித்துவமான கவர்ச்சியை சேர்க்கிறது.

பழைய மெஷ் அமைப்பை நீக்கிவிட்டு, கிடைமட்ட ஸ்லாட்டுகளுடன் கூடிய புதிய பம்பர் வடிவமைப்பை அறிமுகப்படுத்தினர்.

பக்கவாட்டு தோற்றத்தில் பெரிய மாற்றங்கள் இல்லை என்றாலும், புதிய கருப்பு பூச்சு அலாய் சக்கரங்கள் காருக்கு ஸ்போர்ட்டி தோற்றத்தை அளிக்கின்றன.

பின்புறத்தில் பெரிய டெயில் லைட்கள், அவற்றை இணைக்கும் எல்இடி ஸ்டிரிப், மென்மையான பூச்சுடன் கூடிய புதிய பம்பர் ஆகியவை ஆடம்பர தோற்றத்தை அளிக்கின்றன.

உட்புறத்தில் பனோரமிக் சன்ரூஃப், 10.25 அங்குல டிஜிட்டல் காக்பிட், பின்புற இருக்கைகளில் மசாஜ் வசதி போன்ற அம்சங்கள் இருக்கும்.

கூகுள் ஆதரவுடன் இயங்கும் ஏஐ செயலி, 10.1 அங்குல தொடுதிரை தகவல் மற்றும் பொழுதுபோக்கு அமைப்பு ஆகியவை இதில் முக்கிய அம்சங்கள்.

1.0 லிட்டர் டர்போ பெட்ரோல் எஞ்சினுக்கு பழைய 6-ஸ்பீடுக்கு பதிலாக முற்றிலும் புதிய 8-ஸ்பீடு ஆட்டோமேட்டிக் கியர்பாக்ஸ் பொருத்தப்பட்டுள்ளது.

சக்திவாய்ந்த 1.5 லிட்டர் டர்போ பெட்ரோல் எஞ்சின் 150 PS சக்தியை உற்பத்தி செய்து, 7-ஸ்பீடு டிஎஸ்ஜி (DSG) கியர்பாக்ஸுடன் வரவுள்ளது.