KN Nehru angry | ஹேர்ஸ்டைல் கலையுது.. கடுப்பாகி கத்திய K.N.நேரு! ஷாக்கான திமுகவினர்

ஏர்கூலரை ஆன் செய்ததால் ஹேர்ஸ்டைல் களைவதாக சொல்லி அமைச்சர் கே.என்.நேரு மேடையிலேயே டென்ஷன் ஆனதால் சலசலப்பு ஏற்பட்டது.

காஞ்சிபுரம் தனியார் திருமண மண்டபத்தில் தமிழ்நாடு விவசாய சங்கங்களின் கூட்டு இயக்கம் சார்பில் விவசாய திருவிழா மற்றும்  கண்காட்சி நடைபெற்று வருகிறது. அமைச்சர்கள் MRK.பன்னீர் செல்வம், கே.என்.நேரு, தா.மோ. அன்பரசன் ஆகியோர் இன்றைய நாளுக்கான நிகழ்ச்சியை தொடங்கி வைப்பதற்காக வந்திருந்தனர். விவசாயிகளுக்கு சால்வை கௌரவப்படுத்திய அமைச்சர்கள் கலை நிகழ்ச்சிகளில் பங்கேற்றவர்களுக்கு சான்றிதழ்களை வழங்கினர்.

பின்னர் விழாவில் பேசுவதற்காக மேடையில் அமைச்சர்கள் அமர்ந்திருந்த போது அங்கு ஏர்கூலர் வைக்கப்பட்டிருந்தது. ஏர்குலரை அங்கிருந்தவர்கள் ஆன் செய்த நிலையில் அமைச்சர் கே.என்.நேரு அதனை ஆஃப் செய்ய சொல்லியுள்ளார். ஆனாலும் ஏர்கூலர் ஓடிக் கொண்டே இருந்ததால் அமைச்சர் கடுப்பாகி மேடையிலேயே வைத்து திட்டினார். ஹேர்ஸ்டைல் களைந்ததால் உடனடியாக சீப்பை எடுத்து ஹேர்ஸ்டைலை சரிசெய்தார். நேரு ஹேர் ஸ்டைல் களைவதாக கூறி அங்கிருந்தவர்களை கைநீட்டி ஆவேசமாக எழுந்து திட்டியதால் பரபரப்பு ஏற்பட்டது.