Senthil balaji squirrel : அணிலுக்கு அக்கப்போரா ? தமிழ்நாடு விஞ்ஞானிகள் சண்டை...

அணிலுக்கு அக்கப்போரா? - தொடரும் பவர்கட் பஞ்சாயத்து தமிழ்நாட்டில் அடிக்கடி மின் தடை ஏற்பட அணில்களும் காரணம் என அண்மையில் சொல்லியிருந்தார் அமைச்சர் செந்தில் பாலாஜி. மீம்ஸ்கள் ஜீவித்திருக்கும் சோஷியல் மீடியா உலகத்துக்கு ‘கண்ணா லட்டு திண்ண ஆசையா?’ கணக்காக அமைந்தது அமைச்சரின் இந்த விளக்கம். போதாத குறைக்கு எதிர்கட்சிகளான அ.தி.மு.க.வும் பா.ம.க.வும் செந்தில் பாலாஜியை கலாய்த்துத் தள்ளின. தனக்கே டஃப் கொடுக்கிறார் செந்தில் பாலாஜி என்கிற கொண்டாட்டத்தில் ‘நல்லவேலை நான் பிழைத்துக்கொண்டேன்’ எனப் பாட்டாகவே பாடிவிட்டார் தெர்மகோல் புகழ் சிட்னி செல்லூர் ராஜூ. செந்தில் பாலாஜிக்கு நோபல் பரிசைப் பரிந்துரைத்திருக்கிறார் அவர். பா.ம.க. நிறுவனர் ராமதாஸ் ‘விஞ்ஞானம்..விஞ்ஞானம்...’ எனத் தனது ட்விட்டர் பதிவில் நக்கல் செய்திருந்தார்.