Adhi youtube channel hacked : Hiphop Tamizha முடக்கம் - ஹேக்கர் Targetல் ஆதி..
Download ABP Live App and Watch All Latest Videos
View In Appநடிகரும் இசையமைப்பாளருமான ஹிப் ஹாப் ஆதி, ஹிப் ஹாப் தமிழா என்ற பெயரில் யூடியூப் பக்கத்தை நிர்வகித்து வந்தார். தான் இயக்கி இசையமைத்த பாடல்களை அங்கு பதிவிடுவது வழக்கம் . 20 லட்சத்துக்கும் அதிகமான பார்வையாளர்களைக் கொண்டிருந்த அந்த யூடியூப் பக்கம் திடீரென முடக்கப்பட்டுள்ளது. மர்ம நபர்கள் யாரோ அவரது யூடியூப் பக்கத்தை முடக்கி Algorand social news என பெயர் மாற்றம் செய்துள்ளனர். மேலும் அவரது வீடியோக்கள் அனைத்தும் நீக்கப்பட்டுள்ளது. பள்ளி நாட்களில் கவிதையில் ஆர்வமாக இருந்த ஆதி ராப் இசையாலும் ஈர்க்கப்பட்டார். கம்யூட்டர் உதவியுடன் இசைக்கோர்வை செய்து ராப் பாடல்களை இயக்கி வந்தார் ஆதி. அந்த நேரத்தில் தான் 2005ம் ஆண்டு யூடியூப் அறிமுகமானது. தனது இசையை ‘ஹிப்ஹாப் தமிழன்’ என்ற பெயரில் பதிவுசெய்யத் தொடங்கினார் ஆதி. அப்போது ஜீவா என்பவருடன் நட்பு ஏற்பட இருவரும் இணைந்து இசைப்பயணத்தை தொடங்கினர். அவர்கள் இயக்கிய பாடல்கள் யூடியூப்பிலும் ஹிட் அடித்தது. பின்னர் திரைப்பட இசையில் கால்பதித்த ஆதி, நடிக்கவும் செய்தார். ஆம்பள, நேற்று இன்று நாளை, தனி ஒருவன் உள்ளிட்ட படங்களுக்கு ஆதி இசையமைத்துள்ளார். குறிப்பாக தனி ஒருவன் திரைப்படத்தின் ஆதியின் இசை அனைவரின் பாராட்டைப் பெற்றது. நடிகர் குஷ்பு ட்விட்டர் சமூகவலைத்தளத்தில் மிகவும் ஆக்டிவ்வாக இயங்கி வருபவர். இந்த நிலையில் அண்மையில் அவரது ட்விட்டர் பக்கம் ஹேக் செய்யப்பட்டு ’ப்ரையன்’ என்கிற பெயருக்கு மாற்றப்பட்டது. மேலும் பல்வேறு தேவையற்ற ட்வீட்கள் அவரது கணக்கிலிருந்து தொடர்ச்சியாகப் பதிவு செய்யப்பட்டன. இதையடுத்து ட்விட்டர் கணக்கை முடக்கிய நபர் மீது கடும் நடவடிக்கை எடுக்க வேண்டும் என்றும் டிஜிபி மற்றும் சைபர் கிரைமில் புகாரளித்தார். இதனையடுத்து விசாரணையை தொடங்கிய சைபர் க்ரைம், குஷ்புவின் ட்விட்டர் பக்கத்தை மீட்டனர்.