இந்தியாவில் தற்போது நடைபெற்று வரும் லீக் போட்டி என்றால் அது ப்ரோ கபடி லீக்தான். 10வது சீசனாக மிகவும் சிறப்பாக நடந்து வரும் இந்த சீசனில் மொத்தம் 12 அணிகள் களமிறங்கியுள்ளது. இதில் கடந்த முறை அரையிறுதிவரை சென்ற தமிழ் தலைவாஸ் அணி இம்முறை கோப்பையைக் கைப்பற்ற வேண்டும் என்ற எண்ணத்தில் களமிறங்கி விளையாடி வருகின்றது. இது வரை 9 போட்டிகளில் விளையாடியுள்ள தமிழ் தலைவாஸ் அணி 2 போட்டிகளில் மட்டும் வெற்றி பெற்று, 7 போட்டிகளில் தோல்வி அடைந்துள்ளது. இதனால் புள்ளிப்பட்டியலில் தமிழ் தலைவாஸ் அணி 11வது இடத்தில் உள்ளது.  ஒவ்வொரு அணியும் மற்ற அணிகளுடன் தலா 2 முறை மோத வேண்டும். இதனால் ஒவ்வொரு அணிக்கும் 22 போட்டிகள் உள்ளது. இதுவரை 9 போட்டிகள் முடிவடைந்த நிலையில் தமிழ் தலைவாஸ் அணிக்கு இன்னும் 13 போட்டிகள் உள்ளது. மீதம் உள்ள 13 போட்டிகளில் தமிழ் தலைவாஸ் அணி வெற்றியை உறுதி செய்வதால் மட்டும் தமிழ் தலைவாஸ் அணியால் அடுத்த சுற்றினை உறுதி செய்துவிட முடியாது. தமிழ் தலைவாஸின் வெற்றி வித்தியாசம் என்பது அனைத்து போட்டியிலும் அதிகபட்சமாக இருக்க வேண்டும். அப்படி இருந்தால் மட்டும்தான் எதிர்மறையாக உள்ள 41 புள்ளிகள் கழிக்கப்பட்டு, நேர்மறைப் புள்ளிகள் தமிழ் தலைவாஸ் அணியின் தரப்பில் கணக்கு வைக்கப்படும். 2024ஆம் ஆண்டில் தமிழ் தலைவாஸ் அணி தனது முதல் போட்டியினை ஜனவரி 7ஆம் தேதி  மும்பியில் புனேரி பல்டன் அணிக்கு எதிராக களமிறங்கவுள்ளது. தமிழ் தலைவாஸ் அணிக்கு ஜனவரி மாதத்தில் மட்டும் 8 போட்டிகளும், பிப்ரவரி மாதத்தில் 5 போட்டிகளும் உள்ளது. 


தமிழ் தலைவாஸ் புரோ கபடி லீக்கில் மீதம் உள்ள போட்டிகள்



  • ஜனவரி 7: புனேரி பல்டன் vs தமிழ் தலைவாஸ் – டோம் பை NSCI, மும்பை.

  • ஜனவரி 10:  உ.பி யோதாஸ் vs  தமிழ் தலைவாஸ் –  டோம் என்.எஸ்.சி.ஐ. மும்பை 

  • ஜனவரி 14: ஹரியானா ஸ்டீலர்ஸ் vs தமிழ் தலைவாஸ் – எஸ்எம்எஸ் உள்விளையாட்டு அரங்கம், ஜெய்ப்பூர்.

  • ஜனவரி 16: பாட்னா பைரேட்ஸ் vs தமிழ் தலைவாஸ் – எஸ்எம்எஸ் உள்விளையாட்டு அரங்கம், ஜெய்ப்பூர்.

  • ஜனவரி 21: பெங்களூரு புல்ஸ் vs தமிழ் தலைவாஸ் - கச்சிபௌலி உள்விளையாட்டு அரங்கம், ஹைதராபாத்.

  • ஜனவரி 24: தெலுங்கு டைட்டன்ஸ் vs தமிழ் தலைவாஸ் – கச்சிபௌலி உள்விளையாட்டு அரங்கம், ஹைதராபாத்.

  • ஜனவரி 28: தமிழ் தலைவாஸ் vs யு மும்பா - பாட்லிபுத்ரா உள்விளையாட்டு அரங்கம், பாட்னா.

  • ஜனவரி 31: ஜெய்ப்பூர் பிங்க் பாந்தர்ஸ் vs தமிழ் தலைவாஸ் - பாட்லிபுத்ரா உள்விளையாட்டு அரங்கம், பாட்னா.

  • பிப்ரவரி 4: குஜராத் ஜெயண்ட்ஸ் vs தமிழ் தலைவாஸ் – தியாகராஜ் உள்விளையாட்டு அரங்கம், டெல்லி.

  • பிப்ரவரி 6: தமிழ் தலைவாஸ் vs  உ.பி யோதாஸ் – தியாகராஜ் உள்விளையாட்டு அரங்கம், டெல்லி.

  • பிப்ரவரி 11: தமிழ் தலைவாஸ் vs புனேரி பல்டன் - நேதாஜி உள்விளையாட்டு அரங்கம், கொல்கத்தா.

  • பிப்ரவரி 14: தபாங் டெல்லி  vs தமிழ் தலைவாஸ் - நேதாஜி உள்விளையாட்டு அரங்கம், கொல்கத்தா.

  • பிப்ரவரி 18: தமிழ் தலைவாஸ் vs பெங்கால் வாரியர்ஸ் – தவ் தேவிலால் உள்விளையாட்டு அரங்கம், பஞ்ச்குலா.