காமன்வெல்த் போட்டியில் இந்திய வீராங்கனை சுஷிலா தேவி இந்தியாவிற்கு இன்னொரு பதக்கத்தை பெற்றுத்தந்துள்ளார். மகளிர் பிரிவில் 48 கிலோ பிரிவில் களமிறங்கிய சுஷிலாதேவி வெள்ளி வென்றுள்ளார். இறுதிப் போட்டியில் தென் ஆப்பிரிக்காவின் மைக்கேலா வைட்பூவுடன் மோதினார் சுஷிலா. இருவரும் ஈடுகொடுத்து விளையாடியதால் போட்டியானது கோல்டன் ஸ்கோர் நிலைக்குச் சென்றது. அதில் மைக்கேலா ஒரு புள்ளியை வென்ற பிறகு தங்கப் பதக்கத்தை வென்றார்.
முன்னதாக, மகளிர் பிரிவில் 48 கிலோ பிரிவில் களமிறங்கிய சுஷிலாதேவி லிக்மாபம் மலாய் வீராங்கனையான போன்பேசை தன்னுடைய திறமையான ஆட்டத்தால் வீழ்த்தி அரையிறுதிக்கு முன்னேறினார். அரையிறுதிப் போட்டிக்கு முன்னேறிய சுஷிலாதேவி மொரிஷியஸ் நாட்டு வீராங்கனையான பிரிசில்லாவுடன் மோதினர். இந்த போட்டியில் அவருக்கு எதிரணி வீராங்கனை கடும் நெருக்கடி அளித்தார். இந்த போட்டியில் இந்திய வீராங்கனை அசத்தலான ஆட்டத்தை வெளிப்படுத்தி அவரை வீழ்த்தினார். இதன்மூலம், அவர் இறுதிப் போட்டிக்கு முன்னேறினார்.
வெள்ளி வென்ற சுஷிலாதேவிக்கு பல்வேறு தரப்பினரும் பாராட்டுகளை தெரிவித்து வருகின்றனர்
மேலும் படிக்க : IND vs WI, 2nd T20I: லக்கேஜால் தாமதமான இந்தியா - வெஸ்ட் இண்டீஸ் போட்டி...! இதெல்லாம் ஒரு காரணமா..? வறுத்தெடுக்கும் ரசிகர்கள்.!
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்