இந்திய கிரிக்கெட் அணியின் முன்னாள் வீரர் ராகுல் டிராவில். இவரை, கிரிக்கெட்டின் சுவர் என்று அழைப்பார்கள். அத்துடன், களத்திலும், வெளியிலும் மிகவும் அமைதியானவர் என்ற பெயரும் பெற்றவர். ஜெண்டில்மேன் கேம்மான கிரிக்கெட்டிற்கு மிகவும் பொருந்தக்கூடியவர் டிராவிட். களத்தில் எதிரணி வீரர்களுடனும் மிகவும் அமைதியான முறையில் நடந்துக்கொள்வார். அப்படிப்பட்ட ராகுல் டிராவிட், கோபத்துடன் இருப்பதை பார்த்துள்ளீர்களா.?
இந்திய கிரிக்கெட் அணியின் கேப்டன் விராட் கோலி வெளியிட்டுள்ள வீடியோவில், டிராவிட் கோபத்துடன் இருப்பதை காணலாம். கோலி தனது டிவிட்டர் பக்கத்தில் இந்த வீடியோவை வெளியிட்டு, ராகுல் பாயின் இந்தப் பக்கத்தைப் பார்த்ததில்லை என்று கேப்ஷன் இட்டுள்ளார். அந்த வீடியோ, டிராவிட் நடித்துள்ள ஒரு விளம்பரம் ஆகும். அதில், காரில் இருக்கும் டிராவிட், கோபத்துடன் பக்கத்து காரில் இருக்கும் நபர்களை பார்த்து கத்துவார். கிரிக்கெட் பேட்டால், எதிரில் இருக்கும் காரின் சைட் மிரரை உடைப்பார்.
<blockquote class="twitter-tweet"><p lang="en" dir="ltr">Never seen this side of Rahul bhai 🤯🤣 <a >pic.twitter.com/4W93p0Gk7m</a></p>— Virat Kohli (@imVkohli) <a >April 9, 2021</a></blockquote> <script async src="https://platform.twitter.com/widgets.js" charset="utf-8"></script>
23 வினாடிகள் உள்ள இந்த வீடியோவை பார்த்த ரசிகர்கள், இது டிராவிட்டின் புதிய அவதாரம் என்று கமெண்ட் செய்து வருகின்றனர். இந்த வீடியோ தற்போது சமூக வலைதளங்களில் வைரலாகி வருகிறது.