Tamil Thalaivas vs Jaipur Pink Panthers LIVE: தமிழ் தலைவாஸ் அணியை வீழ்த்தியது ஜெய்ப்பூர் பிங்க் பாந்தர்ஸ்! முதல் அணியாக ப்ளே ஆப் சுற்றுக்கு தேர்வு!

Tamil Thalaivas vs Jaipur Pink Panthers LIVE: தமிழ் தலைவாஸ் மற்றும் ஜெய்ப்பூர் பிங்க் பாந்தர்ஸ் அணிகளுக்கு இடையிலான போட்டி குறித்த லைவ் அப்டேட்டுகளுக்கு ஏபிபியுடன் இணைந்து இருங்கள்.

மு.வா.ஜெகதீஸ் குமார் Last Updated: 31 Jan 2024 10:13 PM

Background

ப்ரோ கபடி லீக் சீசன் 10ன் 99-வது ஆட்டத்தில் இன்று ஜெய்ப்பூர் பிங்க் பாந்தர்ஸ் அணி, தமிழ் தலைவாஸ் அணி விளையாடிவருகிறது. கடந்த போட்டிகளில் இரு அணிகளும் எப்படி..? கடந்த ஜனவரி 28ம் தேதி ஜெய்ப்பூர் பிங்க் பாந்தர்ஸ் அணி, பெங்களூரு புல்ஸ் அணிக்கு எதிராக 28-28 என்ற கணக்கில் போட்டியை டிரா செய்தது. மறுபுறம், அதேநாளில் தமிழ் தலைவாஸ் தனது கடைசி ஆட்டத்தில் யு மும்பா அணியை 50-34 என வீழ்த்தி வெற்றி பெற்றது.ஜெய்ப்பூர் பிங்க் பாந்தர்ஸ் vs தமிழ் தலைவாஸ் அணிகள் நேருக்குநேர்:ப்ரோ கபடி லீ வரலாற்றில் ஜெய்ப்பூர் பிங்க் பாந்தர்ஸ் அணியும், தமிழ் தலைவாஸ் அணியும் இதுவரை 9 முறை நேருக்குநேர் மோதியுள்ளனர். இதில், அதிகபட்சமாக ஜெய்ப்பூர் பிங்க் பாந்தர்ஸ் 5 முறை வெற்றி பெற்று ஆதிக்கம் செலுத்தியுள்ளது. அதனை தொடர்ந்து, தமிழ் தலைவாஸ் 2 முறை வெற்றி பெற்றுள்ள நிலையில், இவ்விரு அணிகளுக்குமிடையிலான இரண்டு போட்டிகள் டிரா ஆகியுள்ளது. கடைசியாக இரு அணிகளுக்கும் இடையேயான போட்டியில் ஜெய்ப்பூர் பிங்க் பாந்தர்ஸ் அணி, தமிழ் தலைவாஸ் அணியை 25-24 என்ற கணக்கில் வீழ்த்தியது. புள்ளி பட்டியலில் இரு அணிகளின் தரவரிசை:16 போட்டிகளுக்குப் பிறகு, ப்ரோ கபடி லீக் சீசன் 10 புள்ளிகள் பட்டியலில் ஜெய்ப்பூர் பிங்க் பாந்தர்ஸ் இரண்டாவது இடத்தில் உள்ளது. இதுவரை ஜெய்ப்பூர் அணி 11 வெற்றி, 2 தோல்வி, 3 டிராவுடன் 66 புள்ளிகள் குவித்து சிறப்பாகவே செயல்பட்டு வருகிறது. அதேசமயம், தமிழ் தலைவாஸ் 40 புள்ளிகளுடன் புள்ளிப்பட்டியலில் ஏழாவது இடத்தில் உள்ளது. 7 வெற்றியும், 9 முறை தோல்வியடைந்தாலும், கடந்த சில போட்டிகளில் தொடர்ச்சியாக வெற்றிகளை பதிவு செய்து வருகிறது. இரு அணிகளின் விவரம்: ஜெய்ப்பூர் பிங்க் பாந்தர்ஸ்ரைடர்கள்- ராகுல் சவுதாரி, அர்ஜுன் தேஷ்வால், அஜித் குமார், பவானி ராஜ்புத், தேவாங்க், நவ்நீத் ஷெராவத், அமீர் ஹொசைன் முகமதுமலேகி, ஷஷாங்க், அபிஜீத் மாலிக்.டிஃபெண்டர்கள்- சுனில் குமார், சாகுல் குமார், அங்குஷ், சுமித், அபிஷேக் கே.எஸ்., ரேசா மிர்பாகேரி, லக்கி ஷர்மா, ஆஷிஷ், லாவிஷ்.தமிழ் தலைவாஸ்ரைடர்ஸ்- நரேந்தர் கண்டோலா, அஜிங்க்யா அசோக் பவார், ஹிமான்ஷு, ஜதின்.டிஃபெண்டர்கள்- சாகர், சாஹில், எம் அபிஷேக், மோஹித், ஹிமான்ஷு, ஆஷிஷ், எம்டி ஆரிப் ரப்பானி, அர்பித் சரோஹா, அங்கித்.ஆல்-ரவுண்டர்கள்- தனுஷன் லக்ஷ்மமோகன், விஸ்வநாத் வி, கே அபிமன்யு.இன்றைய போட்டியில் படைக்கவிருக்கும் மைல்கற்கள்:பிகேஎல்லில் 100 டிபெண்ஸ் புள்ளிகளை எட்டுவதற்கு தமிழ் தலைவாஸின் எம்.அபிஷேக்கிற்கு இன்னும் 7 டிபெண்ஸ் புள்ளிகள் மட்டுமே தேவையாக உள்ளது. கணிக்கப்பட்ட இரு அணிகளின் விவரம்: ஜெய்ப்பூர் பிங்க் பாந்தர்ஸ்- சாஹுல் குமார், ரேசா மிர்பாகேரி, அங்குஷ் ஜூனியர், சுனில் குமார் (கேப்டன்), அபிஷேக் கே.எஸ், அர்ஜுன் தேஷ்வால், வி அஜித் குமார்.தமிழ் தலைவாஸ்- சாகர் (கேப்டன்), சாஹில், மோஹித், அபிஷேக், ஹிமான்ஷு, அஜிங்க்யா பவார், நரேந்தர்.

31/01/2024 22:13:14

Tamil Thalaivas vs Jaipur Pink Panthers LIVE: தமிழ் தலைவாஸ் அணியை வீழ்த்தியது ஜெய்ப்பூர் பிங்க் பாந்தர்ஸ்! முதல் அணியாக ப்ளே ஆப் சுற்றுக்கு தேர்வு!

Tamil Thalaivas vs Jaipur Pink Panthers LIVE: தமிழ் தலைவாஸ் அணிக்கு எதிரான போட்டியில் 42- 27 என்ற கணக்கில் வெற்றி பெற்றது ஜெய்ப்பூர் பிங்க் பாந்தர்ஸ் அணி. இந்த வெற்றியின் மூலம் முதல் அணியாக ப்ளே ஆப் சுற்றுக்கு தேர்வாகியுள்ளது அந்த அணி.