Manu Bhaker: பாரிஸ் ஒலிம்பிக்கில் ஹாட்ரிக் பதக்கம் வெல்லும் வாய்ப்பை, இந்திய துப்பாக்கிச் சுடும் வீராங்கனை மனு பாக்கர் இழந்தார். 25 மீட்டர் பிஸ்டர் பிரிவின் தனிநபர் இறுதிப் போட்டி வர முன்னேறினாலும், முதல் மூன்று இடங்களை பிடிக்க முடியாமல் தோல்வியை தழுவினார். இந்த போட்டியில் அவர் நான்காவது இடத்தை மட்டுமே பிடிக்க முடிந்தது. முன்னதாக 10 மீட்டர் ஏர் பிஸ்டல் பிரிவில், தனிநபர் மற்றும் கலப்பு இரட்டையர் பிரிவில் மனு பாக்கர் வெண்கலம் வென்று இருந்தது குறிப்பிடத்தக்கது. ஹாட்ரிக் பதக்கத்தை கைப்பற்றுவார் என எதிர்பார்க்கப்பட்ட நிலையில், மனுபாக்கர் தோல்வியுற்றது இந்தியர்களிடையே சோகத்தை ஏற்படுத்தியுள்ளது.