பிரபல ஆஸ்திரேலிய கிரிக்கெட் வீரர் மேக்ஸ்வேல் இந்திய வம்சாவளியைச் சேர்ந்த வினி ராமனை திருமணம் செய்யும் தகவல் வெளியானது முதல் வேகமாக வைரலானது. கடந்த சில நாட்களுக்கு முன்பாக இவர்களுடைய நிச்சயதார்த்த படம் வேகமாக வைரலானது.
இந்நிலையில் இன்று இவர்கள் இருவருக்கும் திருமணம் நடைபெற்றது. அவர்களுக்கு இந்து முறைப்படியும் திருமணம் நடைபெற்றது. அந்த திருமண விழாவில் மேக்ஸ்வேல் மாலையை வைத்து ஆடும் காட்சிகள் இந்த வீடியோவில் வேகமாக வைரலாகி வருகிறது. இந்து முறைப்படி இவர்களுக்கு உறவினர்களுடன் திருமணம் நடைபெற்றது.
இந்த தம்பதிக்கு பலரும் வாழ்த்து தெரிவித்து வருகின்றனர். அந்தவகையில் சென்னை சூப்பர் கிங்ஸ் அணி சார்பில் ஒரு வாழ்த்து பதிவு செய்யப்பட்டுள்ளது. அதில்,“மேக்ஸ்வேல் சென்னை மாப்பிள்ளை ஆகிவிட்டார். அவருக்கு திருமண வாழ்த்துகள். உங்களுடைய புதிய பார்ட்னர்ஷிப்பில் நிறையே சிக்சர் அடிக்க விசில் கலந்த வாழ்த்துகள்”எனப் பதிவிட்டுள்ளது.
தன்னுடைய திருமணத்தின் காரணமாக மேக்ஸ்வேல் ஐபிஎல் தொடரின் முதல் சில போட்டிகளில் விளையாடாமல் விலகியுள்ளார். மேக்ஸ்வேல் ராயல் சேலஞ்சர்ஸ் பெங்களூரு அணியின் முக்கியமான வீரர்களில் ஒருவர். ஆகவே அவருடைய வருகைக்காக ராயல் சேலஞ்சர்ஸ் பெங்களூரு ஆவலுடன் காத்திருக்கிறது குறிப்பிடத்தக்கது. ராயல் சேலஞ்சர்ஸ் பெங்களூரு அணி நேற்று நடைபெற்ற முதல் போட்டியில் பஞ்சாப் கிங்ஸ் அணியிடம் 5 விக்கெட் வித்தியாசத்தில் தோல்வி அடைந்தது. பெங்களூரு அணி அடுத்த போட்டியில் கொல்கத்தா நைட் ரைடர்ஸ் அணியை எதிர்த்து விளையாடுகிறது.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்