RR VS DC, IPL 2023 Live: டெல்லியை பந்தாடிய ராஜஸ்தான்.. 57 ரன்கள் வித்தியாசத்தில் அபார வெற்றி
ஐபிஎல் தொடரில் டெல்லி மற்றும் ராஜஸ்தான் அணிகளுக்கு இடையேயான போட்டியில், இரு அணிகள் சார்பில் விளையாட உள்ள வீரர்களின் விவரங்களை இந்த தொகுப்பில் அறியலாம்..
வார்னர் தலைமையிலான டெல்லி அணி நடப்பு தொடரில் இதுவரை விளையாடிய 3 போட்டிகளிலும் தோல்வியை கண்டுள்ளது.
டெல்லி அணிக்கு எதிரான ஆட்டத்தில் 57 ரன்கள் வித்தியாசத்தில் ராஜஸ்தான் அபார வெற்றி
ரோமன் போவெல் வெறும் 2 ரன்களை மட்டுமே சேர்த்து அஷ்வின் பந்துவீச்சில் ஆட்டமிழந்தார்
பொறுப்புடன் விளையாடிய கேப்டன் வார்னர் 44 பந்துகளில் அரைசதம் கடந்தார்
மிகவும் எதிர்பார்க்கப்பட்ட அக்சர் படேல் 2 ரன்கள் சேர்த்து இருந்தபோது சாஹல் பந்துவீச்சில் ஆட்டமிழந்தார்.
டெல்லி அணி வெற்றி பெற 6 ஓவர்களில் 94 ரன்கள் தேவை. கைவசம் 6 விக்கெட்டுகள் உள்ளன.
பொறுப்புடன் விளையாடி வந்த லலித் யாதவ், டிரெண்ட் போல்ட் பந்துவீச்சில் கிளீன் போல்டானார்.
லலித் யாதவ் - வார்னரின் பொறுப்பான ஆட்டத்தால் 12.5 ஓவர் முடிவில் டெல்லி அணி 100 ரன்களை எட்டியது
200 ரன்கள் என்ற இமாலய இலக்கை நோக்கி விளையாடி வரும் டெல்லி அணி, 10 ஓவர்கள் முடிவில் 3 விக்கெட்டுகளை இழந்து 68 ரன்களை எடுத்துள்ளது.
ராஜஸ்தான் அணிக்கு எதிரான போட்டியில் 29 ரன்களை சேர்த்தன் மூலம், டேவிட் வார்னர் ஐபிஎல் தொடரில் 6000 ரன்களை பூர்த்தி செய்தார்.
8.2 ஓவர் முடிவில் 3 விக்கெட்டுகளை இழந்து டெல்லி அணி 50 ரன்களை எட்டியது.
200 ரன்கள் என்ற இலக்கை நோக்கி விளையாடி வரும் டெல்லி அணி 8 ஓவர்கள் முடிவில் 48 ரன்களை மட்டுமே சேர்த்துள்ளது.
பவர்-பிளேயின் 6 ஓவர்கள் முடிந்த நிலையில், டெல்லி அணி 3 விக்கெட்டுகளை இழந்து 38 ரன்களை சேர்த்துள்ளது.
14 ரன்கள் எடுத்து இருந்த ரிலீ ரோஸ்ஸோ, தமிழக வீரர் அஷ்வின் பந்துவீச்சில் கேட்ச் முறையில் அவுட்டானார்.
அடுத்தடுத்து 2 விக்கெட்டுகளை இழந்த நிலையில், 5 ஓவர்கள் முடிவில் டெல்லி அணி 32 ரன்களை சேர்த்துள்ளது. கேப்டன் வார்னர் 18 ரன்களை எடுத்துள்ளார்.
3 ஓவர்கள் முடிவில் டெல்லி அணி 2 விக்கெட்டுகளை இழந்து 14 ரன்களை எடுத்துள்ளது.
200 ரன்களை இலக்காக கொண்டு களமிறங்கிய டெல்லி அணி, முதல் ஓவர் முடிவில் ரன் ஏதும் எடுக்காமல் 2 விக்கெட்டுகளை இழந்துள்ளது.
2வது விக்கெட்டிற்கு களமிறங்கிய மணீஷ் பாண்டே, எதிர்கொண்ட முதல் பந்திலேயே எல்பிடபள்யூ முறையில் டக்-அவுட்டானார்.
இம்பேக்ட் பிளேயராக உள்ளே வந்து தொடக்க ஆட்டக்காரராக களமிறங்கிய பிரித்வி ஷா டக்-அவுட் ஆனார்.
இம்பேக்ட் பிளேயராக உள்ளே வந்த பிருத்வி ஷா, கேப்டன் வார்னர் உடன் தொடக்க ஆட்டக்காரராக களமிறங்கினார்
டெல்லி அணிக்கு எதிரான போட்டியில் ராஜஸ்தான் அணி 4 விக்கெட்டுகள் இழப்பிற்கு 199 ரன்களை சேர்த்தது.
அதிரடியாக விளையாடி வந்த பட்லர் 79 ரன்கள் எடுத்திருந்தபோது கேட்ச் முறையில் அவுட்டானார்.
அதிரடியாக விளையாடி வரும் ஹெட்மேயர் கொடுத்த கேட்ச் வாய்ப்பை டெல்லி அணி தவறவிட்டது
16.3 ஓவர்கள் முடிவில் ராஜஸ்தான் அணி 150 ரன்களை கடந்தது
சீரான இடைவெளியில் விக்கெட்டுகள் சரிந்தாலும் ஜோஸ் பட்லர் அதிரடியாக ஆடி 68 ரன்களை சேர்த்துள்ளார்.
அடுத்தடுத்த விக்கெட்டுகளால் நிதானமாக ஆடி வரும் ராஜஸ்தான் 15 ஓவர்கள் முடிவில் 3 விக்கெட் இழப்பிற்கு 130 ரன்களை சேர்த்துள்ளது.
ரோமன் போவல் வீசிய பந்தில் இளம் வீரர் ரியான் பராக் கிளீன் போல்டானார். இது ராஜஸ்தான் அணியின் 3வது விக்கெட் ஆகும்
32 பந்துகளில் 1 சிக்சர் பற்றும் 7 பவுண்டரிகள் உடன் பட்லர் அரைசதம் விளாசினார்.
ராஜஸ்தான் அணி 10 ஓவர்கள் முடிவில் 2 விக்கெட் இழப்பிற்கு 103 ரன்களை சேர்த்துள்ளது...
ராஜஸ்தான் கேப்டன் சஞ்சு சாம்சன் ரன் ஏதும் எடுக்காமல், குல்தீப் ஓவரில் கேட்ச் முறையில் டக்-அவுட் ஆனார்.
ஜெய்ஷ்வால் மற்றும் பட்லரின் அதிரடி ஆட்டத்தால் ராஜஸ்தான் அணி 10வது ஓவரின் முதல் பந்தில் 100 ரன்களை எட்டியது. இதில் 18 பவுண்டரிகள் மற்றும் 1 சிக்சரும் அடங்கும்.
அதிரடியாக ஆடி வந்த ஜெய்ஷ்வால் 31 பந்துகளில் 60 ரன்களை சேர்த்து ஆட்டமிழந்தார்.
அதிரடியாக விளையாடி வரும் ஜெய்ஷ்வால், 25 பந்துகளில் அரைசதம் விளாசினார்.
பவர்பிளேயின் 6 ஓவர்கள் முடிந்த நிலையில் ராஜஸ்தான் அணி விக்கெட் இழப்பின்றி 68 ரன்களை குவித்துள்ளது. ஜெய்ஷ்வால் 41 ரன்களையும், 24 பட்லர் ரன்களையும் குவித்துள்ளனர்.
அதிரடியாக விளையாடி வரும் ராஜஸ்தான் அணி, 5 ஓவர்கள் முடிவில் விக்கெட் இழப்பின்றி 63 ரன்களை குவித்துள்ளது.
அதிரடியாக விளையாடி வரும் ஜோஸ் பட்லர், கலீல் அகமது ஓவரில் கொடுத்த கேட்ச் வாய்ப்பை நோர்ட்ஜே நழுவவிட்டார்.
3 ஓவர்கள் முடிவில் விக்கெட் ஏதும் எடுக்காமல் டெல்லி அணி 39 ரன்களை வாரி வழங்கியுள்ளது.
முதல் ஓவரில் ஜெய்ஷ்வால் 5 பவுண்டரிகளை விளாசிய நிலையில், போட்டியின் இரண்டாவது ஓவரில் பட்லர் 3 பவுண்டரிகளை விளாசினார்.
கலீல் அகமது வீசிய போட்டியின் முதல் ஓவரிலேயே இளம் வீரர் ஜெய்ஷ்வால் அடுத்தடுத்து 5 பவுண்டரிகளை விளாசி அசத்தினார்.
Background
ஐபிஎல் தொடரில் டெல்லி மற்றும் ராஜஸ்தான் அணிகளுக்கு இடையேயான போட்டியில், இரு அணிகள் சார்பில் விளையாட உள்ள வீரர்களின் விவரங்களை இந்த தொகுப்பில் அறியலாம்..
டெல்லி - ராஜஸ்தான் மோதல்:
ஐபிஎல் 2023 தொடரின் 11 வது போட்டியில் இன்று ராஜஸ்தான் ராயல்ஸ் அணியும், டெல்லி கேபிடல்ஸ் அணியும் மோதுகின்றன. கவுகாத்தியில் உள்ள பர்சபரா கிரிக்கெட் மைதானத்தில் நடைபெறும் போட்டியில், டாஸ் வென்ற டெல்லி அணி முதலில் பந்துவீச்சை தேர்வு செய்துள்ளது. இது ராஜஸ்தான் ராயல்ஸ் அணி இரண்டாவது உள்ளூர் போட்டியாகும் என்பது குறிப்பிடத்தக்கது.
ராஜஸ்தான் ராயல்ஸ் அணி இந்த வார தொடக்கத்தில் பர்சபரா கிரிக்கெட் ஸ்டேடியத்தில் பஞ்சாப் கிங்ஸ் அணியை எதிர்கொண்டது. இருப்பினும் இந்த போட்டியில் 9 ரன்கள் வித்தியாசத்தில் தோல்வியை சந்தித்தது. அதேநேரம், முதல் லீக் போட்டியி ல் அபார வெற்றி பெற்றது. அதேநேரம், வார்னர் தலைமையிலான டெல்லி அணி இதுவரை விளையடிய இரண்டு லீக் போட்டிகளிலும் தோல்வியை சந்தித்துள்ளது. இதனால், மீண்டும் வெற்றிப்பதைக்கு திரும்ப ராஜஸ்தான் அணியும், தொடரின் முதல் வெற்றியை பதிவு செய்ய டெல்லி அணியும், முனைப்பு காட்டுவதால் இன்றைய போட்டியில் பரபரப்புக்கு பஞ்சமிருக்காது என எதிர்பார்க்கப்படுகிறது. இந்நிலையில் இரு அணிகள் சார்பில் களமிறங்கும் வீரர்களின் விவரங்களை இந்த தொகுப்பில் அறியலாம்
பட்லர், ஜெய்ஸ்வால், சஞ்சு சாம்சன் (கேப்டன்/விக்கெட் கீப்பர்), ரியான் பராக், ஷிமரன் ஹெட்மேயர், துருவ் ஜூரல், ஜேசன் ஹோல்டர், ரவிச்சந்திரன் அஷ்வின், டிரெண்ட் போல்ட், சந்தீப் ஷர்மா. யுஸ்வேந்திர சாஹல்
ராஜஸ்தான் இம்பேக்ட் பிளேயர்ஸ்:
நவ்தீப் ஷைனி, ஆகாஷ் வைஷத், முருகன் அஷ்வின், ஆஷிப், டொனோவன் ஃபெரெய்ரா
டெல்லி அணி பிளேயிங் லெவன்:
டேவிட் வார்னர் (கேப்டன்), மணீஷ் பாண்டே, ரிலே ரோஸ்ஸோவ், மிட்செல் மார்ஷ், ரோவ்மேன் பவல், லலித் யாதவ், அக்சர் படேல், அபிஷேக் போரல் (விக்கெட் கீப்பர்), குல்தீப் யாதவ், அன்ரிச் நார்ட்ஜே, கலீல் அகமது, முகேஷ் குமார்
டெல்லி அணி இம்பேக்ட் பிளேயர்ஸ்:
அமன் கான், பிரித்வி ஷா, ஷர்ப்ராஸ் கான், இஷாந்த் சர்மா, , பிரவின் தூபே
நேருக்கு நேர்:
கடந்த ஐபிஎல் சீசனில் ராஜஸ்தான் ராயல்ஸ் vs டெல்லி கேபிடல்ஸ் இரண்டு முறை மோதியது. இதில், இரு அணிகளும் தலா ஒரு முறை வெற்றிபெற்றன.
விளையாடிய போட்டிகள் - 26
ராஜஸ்தான் ராயல்ஸ் வென்ற போட்டிகள் - 13
டெல்லி கேப்பிட்டல்ஸ் வென்ற போட்டிகளில் - 13
கைவிடப்பட்ட போட்டிகள் - 0
டை - 0
கடந்த 5 ராஜஸ்தான் ராயல்ஸ் மற்றும் டெல்லி கேபிடல்ஸ் இடையேயான போட்டிகள்:
ஐபிஎல் தொடரில் ராஜஸ்தான் ராயல்ஸ் அணிக்கு எதிராக டெல்லி கேப்பிடல்ஸ் அணி கடைசியாக விளையாடிய 5 போட்டிகளில் மூன்றில் வெற்றி பெற்றுள்ளது. கடைசியாக இரு அணிகளும் மோதியபோது மிட்செல் மார்ஷ் 62 பந்துகளில் 89 ரன்கள் எடுத்து டெல்லி அணியை 8 விக்கெட்கள் வித்தியாசத்தில் வெற்றிபெற உதவினார்.
- - - - - - - - - Advertisement - - - - - - - - -