LSG vs RCB Live Score: சுழலில் மிரட்டல்..108 ரன்களுக்கு லக்னோ ஆல்-அவுட்.. பெங்களூரு அபார வெற்றி
LSG vs RCB, IPL 2023 Live: ஐபிஎல் தொடரின் இன்றைய லீக் போட்டியில் பெங்களூரு ராயல் சேலஞ்சர்ஸ் அணியை, லக்னோ சூப்பர் ஜெயண்ட்ஸ் அணி எதிர்கொள்கிறது.
லக்னோ அணி 18 ரன்கள் வித்தியாசத்தில் பெங்களூரு அணியிடம் தோல்வியுற்றது
லக்னோ வெற்றி பெற 6 பந்துகளில் 23 ரன்கள் தேவை
நவீன் உல் - ஹக் 13 ரன்களில் ஆட்டமிழந்தார்
18.3 ஓவர்கள் முடிவில் லக்னோ அணி 100 ரன்களை எட்டியுள்ளது
லக்னோ வெற்றி பெற கடைசி 12 பந்துகளில் 31 ரன்கள் தேவை
லக்னோ அணி வெற்றி பெற 4 ஓவர்களில் 48 ரன்கள் அவசியம்
5 ரன்கள் சேர்த்து இருந்த பிஷ்னோய் ரன் - அவுட்டானார்
7 ஓவர்கள் மட்டுமே மிச்சமுள்ள நிலையில் லக்னோ அணி வெற்றி பெற 57 ரன்கள் அவசியம்
அதிரடியாக விளையாடி வந்த கவுதம் ரன் - அவுட்டானார்.
லக்னோவின் முக்கிய வீரரான ஸ்டோய்னிஷ் 13 ரன்களில் ஆட்டமிழந்தார்
10 ஓவர்கள் முடிவில் லக்னோ அணி 5 விக்கெட்டுகள் இழப்பிற்கு 63 ரன்கள் சேர்த்துள்ளது.
நிகோலஸ் பூரான் வெறும் 9 ரன்களில் கரண் சர்மா பந்துவீச்சில் ஆட்டமிழந்தார்
பவர்பிளேயின் 6 ஓவர்கள் முடிவில் லக்னோ அணி 6 ஓவர்கள் முடிவில் 4 விக்கெட்டுகளை இழந்து 34 ரன்களை சேர்த்துள்ளது.
ஹசரங்கா பந்துவீச்சில் தீபக் ஹூடா ஸ்டம்பிங் முறையில் ஆட்டமிழந்தார்
5 ஓவர்கள் முடிவில் லக்னோ அணி 3 விக்கெட்டுகளை இழந்து 27 ரன்களை சேர்த்துள்ளது
ஹேசல்வுட் வீசிய ஓவரில் பதோனி வெறும் 4 ரன்களுக்கு ஆட்டமிழந்தார்
மேக்ஸ்வெல் வீசிய ஓவரில் க்ருணால் பாண்ட்யா ஆட்டமிழந்தார்
சிராஜ் வீசிய போட்டியின் 3வது ஓவரில் க்ருணால் பாண்ட்யா ஹாட்ரிக் பவுண்டரி விளாசினார்
இன்னிங்ஸின் முதல் பவுண்டரியை 3வது ஓவரில் க்ருணால் பாண்ட்யா அடித்தார்
2 ஓவர்கள் முடிவில் லக்னோ அணி 2 ரன்களை சேர்த்துள்ளது.
முதல் ஓவர் முடிவில் ஒரு விக்கெட் இழப்பிற்கு ஒரு ரன்னை சேர்த்துள்ளது லக்னோ
ரன் ஏதும் எடுக்காமல் அவுட்டானார் கைல் மேயர்ஸ்
20 ஓவர்கள் முடிவில் பெங்களூரு அணி 9 விக்கெட்டுகளை இழந்து 126 ரன்களை சேர்த்தது
சிராஜ் ரன் ஏதும் எடுக்காமல் அவுட்..
கரண் சர்மா 2 ரன்களில் அவுட்
தினேஷ் கார்த்திக் 16 ரன்களில் ரன் அவுட்டானார்.
18 ஓவர்கள் முடிவில் பெங்களூரு அணி 115 ரன்களை சேர்த்துள்ளது.
நவீன் உல்-ஹக் பந்துவீச்சில் லோம்ரோர் அவுட்
44 ரன்கள் சேர்த்து டூப்ளெசி அவுட்
16.1 ஓவர்கள் முடிவில் பெங்களூரு அணி 100 ரன்களை எட்டியது
மழைக்கு பின் போட்டி தொடங்கியதும், 7 ஓவர்களுக்கு பிறகு பெங்களூரு அணி பவுண்டரி அடித்துள்ளது
15.2 ஓவர்கள் வீசிய நிலையில் மழை குறுக்கிட்டதால் போட்டி பாதியில் நிறுத்தப்பட்டது
15 ஓவர்கள் முடிவில் பெங்களூரு அணி 92 ரன்களை சேர்த்துள்ளது
பிரபுதேசாய் அடித்த பந்தை கவுதம் பிரமாதமாக கேட்ச் பிடித்து அசத்தினார்.
14 ஓவர்கள் முடிவில் பெங்களூரு அணி 89 ரன்களை மட்டுமே சேர்த்துள்ளது
வெறும் 4 ரன்களில் ஆட்டமிழந்தார் மேக்ஸ்வெல்
12 ஓவர்கள் முடிவில் பெங்களூரு அணி 2 விக்கெட்டுகள் இழப்பிற்கு 78 ரன்களை சேர்த்துள்ளது.
பெங்களூரு அணி 10 ஓவர்கள் முடிவில் ஒரு விக்கெட் இழப்பிற்கு 65 ரன்களை சேர்த்துள்ளது.
நிதானமாக விளையாடி வந்த கோலி 31 ரன்களை சேர்த்து இருந்தபோது, பிஷ்னோய் பந்துவீச்சில் ஆட்டமிழந்தார்
24 பந்துகளுக்குப் பிறகு பெங்களூரு அணி முதல் பவுண்டரியை அடித்துள்ளது
7.1 ஓவர் முடிவில் பெங்களூரு அணி அரைசதம் கடந்துள்ளது.
பவர்-பிளேயின் 6 ஓவர்கள் முடிவில் பெங்களூரு அணி விக்கெட் இழப்பின்றி 42 ரன்களை சேர்த்துள்ளது.
பவர்பிளேயின் 5 ஓவர்கள் முடிவில் பெங்களூரு 3 பவுண்டரிகள் மற்றும் ஒரு சிக்சர் மட்டுமே அடித்துள்ளது.
4 ஓவர்கள் முடிவில் பெங்களூரு அணி 32 ரன்களை சேர்த்துள்ளது
லக்னோ கேப்டன் கே.எல். ராகுலுக்கு காலில் ஏற்பட்ட காயத்தால் மைதானத்தில் இருந்து வெளியேறினார்
2 ஓவர்கள் முடிவில் பெங்களூரு அணி 16 ரன்களை சேர்த்துள்ளது.
டூப்ளெசி 2 ரன்கள் எடுத்து இருந்தபோது கொடுத்த கேட்ச் வாய்ப்பை லக்னோ நழுவவிட்டது
போட்டியின் முதல் பந்திலேயே பவுண்டரி அடித்தார் கோலி
லக்னோ அணிக்கு எதிராக டாஸ் வென்ற பெங்களூரு அணி முதலில் பேட்டிங்
Background
LSG vs RCB, IPL 2023 Live: ஐபிஎல் தொடரின் இன்றைய லீக் போட்டியில் பெங்களூரு ராயல் சேலஞ்சர்ஸ் அணியை, லக்னோ சூப்பர் ஜெயண்ட்ஸ் அணி எதிர்கொள்கிறது. இந்த போட்டி மாலை 7.30 மணிக்கு தொடங்குகிறது.
பெங்களூரு - லக்னோ மோதல்:
ஐபிஎல் தொடரின் 16வது சீசனின் 43வது ஆட்டத்தில் கே.எல்.ராகுல் தலைமையிலான லக்னோ அணியும், டுப்ளெசிஸ் தலைமையிலான பெங்களூர் அணியும் நேருக்கு நேர் மோதுகின்றன. லக்னோவில் உள்ள ஏக்னா ஸ்போர்ட்ஸ் சிட்டி மைதானத்தில் நடைபெறும் போட்டி, இந்திய நேரப்படி மாலை 7.30 மணிக்கு தொடங்குகிறது.இந்த போட்டியில் வென்று புள்ளிப்பட்டியலில் முதலிடம் பிடிக்கும் நோக்கில் லக்னோ அணியும், நடப்பு தொடரில் ஏற்கனவே இவர்களிடம் பெற்ற தோல்விக்கு பதிலடி தடும் வகையில் பெங்களூரு அணியும் இன்றைய போட்டியில் களமிறங்குகிறது.
பெங்களூரு அணியின் பலம், பலவீனம் என்ன?
பெங்களூர் அணியை பொறுத்தவரையில் பேட்டிங்கில் விராட்கோலி அற்புதமான ஃபார்மில் உள்ளார். அவருடன் ஆட்டத்தை தொடங்கும் டுப்ளிசிஸ் பேட்டிங்கில் மிரட்டி வருகிறார். மேக்ஸ்வெல்லும் எதிரணிக்கு சிம்மசொப்பனமாக விளங்குகிறார். அந்த அணியை பொறுத்தவரையில் இவர்கள் 3 பேர் மட்டுமே பேட்டிங்கில் முதுகெலும்பாக உள்ளனர். மிடில் ஆர்டர், டெயிலண்டர்கள் யாரும் பேட்டிங்கில் இதுவரை ஜொலிக்கவில்லை. இளம் வீரர்கள் லோம்ரார், பிரபுதேசாய், அனுபவ வீரர் தினேஷ் கார்த்திக் பேட்டிங்கில் மிரட்ட வேண்டியது அவசியம் ஆகும்.
முகமது சிராஜ் மட்டுமே இந்த தொடர் தொடங்கியது முதல் சிறப்பாக பந்துவீசி வருகிறார். கடந்த சீசன்களில் அசத்திய ஹர்ஷல் படேல் ரன்களை வாரி வழங்குகின்றார். இளம் வீரர் வைஷாக் சிறப்பாக வீச வேண்டியது அவசியம் ஆகும். சுழலில் ஹசரங்கா அசத்த வேண்டியது அவசியம் ஆகும். இந்த போட்டியில் வெற்றி பெற்றால் ஆர்.சி.பி. அணி ஏறுமுகத்துடன் புள்ளிப்பட்டியலில் முன்னேறும்.
லக்னோ அணியின் பலம், பலவீனம்?
லக்னோ அணியை பொறுத்தவரையில் கே.எல்.ராகுல் இன்னும் தனது முழு திறமையை வெளிப்படுத்தி ஆடவில்லை. அந்த அணியின் பலமாக மேயர்ஸ், ஸ்டோய்னிஸ், பூரண், ஆயுஷ் பதோனி ஆகியோர் உள்ளனர். இவர்கள் அனைவரும் தொடர்ச்சியாக வலுவான பேட்டிங்கை வெளிப்படுத்தி வருகின்றனர். இந்த தொடரில் இரு அணிகளும் மோதிய போட்டியில் ஸ்டோய்னிஸ், பூரண் அதிரடியை இன்னும் ரசிகர்கள் மறந்திருக்க மாட்டார்கள். பெங்களூர் அணி வீரர்கள் இவர்களை கட்டுப்படுத்தினால் மட்டுமே வெற்றியை சாத்தியப்படுத்த முடியும்.
பந்துவீச்சை பொறுத்தவரையில் பெரியளவில் சொல்லிக்கொள்ளும்படி இல்லை என்றே கூறலாம். மைதானத்தின் தன்மை பொறுத்து பந்துவீச்சு எடுபட வாய்ப்புள்ளது. லக்னோ அணியின் ஆவேஷ்கான், உனத்கட், கிருஷ்ணப்ப கவுதம், கரண் சர்மா, ரவி பிஷ்னோய் சிறப்பாக பந்துவீச வேண்டியது அவசியம் ஆகும்.
- - - - - - - - - Advertisement - - - - - - - - -