IPL Auction 2026 LIVE: பிரசாந்த் வீர், கார்த்திக் சர்மாவுக்கு ஜாக்பாட்! அதிக விலைக்கு ஏலம் போன கேமரூன் கீரின்..ஐபிஎல் மினி ஏலம்..

IPL Auction 2026 Live Updates: 2026ம் ஆண்டு 19வது ஐபிஎல் தொடர் நடைபெறவுள்ள நிலையில் வீரர்களுக்கான மினி ஏலம் இன்று (டிசம்பர் 16) நடைபெறுகிறது. அதுதொடர்பான அப்டேட்களை இங்கு காணலாம்.

பேச்சி ஆவுடையப்பன் Last Updated: 16 Dec 2025 08:50 PM

Background

2026ம் ஆண்டுக்கான ஐபிஎல் போட்டியின் வீரர்களை தேர்வு செய்யும் மினி ஏலம் இன்று நடைபெறவுள்ளதால் பெரும் எதிர்பார்ப்பு நிலவுகிறது. இந்த ஏலம் துபாயில் நடைபெறுகிறது. கிரிக்கெட் ரசிகர்களிடையே ஐபிஎல் தொடர் மிகவும் பிரபலமாக உள்ளது. பல்வேறு நாடுகளைச் சேர்ந்த முன்னணி வீரர்கள் தொடங்கி வளரும் இளம் வீரர்கள் என அனைவரும் போட்டிப்போட்டுக் கொண்டு களமாடும் இடமாக ஐபிஎல் உள்ளது. 2008ம் ஆண்டு தொடங்கிய இந்த தொடர் இன்று மிகப்பெரிய அளவில் வளர்ந்து நிற்கிறது. விளையாட்டு களத்திலும், வியாபாரத் தளத்திலும் அசுர வளர்ச்சி கண்ட ஐபிஎல் தொடர் இதுவரை 18 சீசன்கள் நிறைவடைந்துள்ளது. அதேசமயம் மெகா ஏலங்கள் மூன்று ஆண்டுகளுக்கு ஒருமுறை நடத்தப்படும் நிலையில் இதில் குறிப்பிட்ட எண்ணிக்கையிலான வீரர்கள் தக்க வைக்கப்படுகிறார்கள். மீதமுள்ளவர்கள் ஏலத்தில் விடப்பட்டு மீண்டும் அணியில் இணைக்கப்படுகிறார்கள் அல்லது புதிய வீரர்களை வாங்க முடியும் சூழல் உண்டாகிறது. இந்த நிலையில் ஒவ்வொரு ஆண்டும் அணிகளில் ஏற்படும் சிறிய மாற்றங்களை சந்திக்க மினி ஏலம் நடைபெறும். இதன்மூலம் ஒவ்வொரு அணி நிர்வாகமும் தங்களிடம் உள்ள தொகைக்கு ஏற்ப ஏலத்தில் பங்கேற்கும் வீரர்களை தேர்வு செய்துக் கொள்வார்கள். இதற்காக ஏலத்தில் வீரர்கள் தங்கள் பெயர்களை பதிவு செய்யலாம். ஐபிஎல் தொடரைப் பொறுத்தவரை சென்னை சூப்பர் கிங்ஸ், மும்பை இந்தியன்ஸ், பஞ்சாப் கிங்ஸ், ராஜஸ்தான் ராயல்ஸ், ராயல் சேலஞ்சர்ஸ் பெங்களூரு, சன் ரைசர்ஸ் ஹைதராபாத், குஜராத் டைட்டன்ஸ், லக்னோ சூப்பர் ஜெயன்ட்ஸ், கொல்கத்தா நைட் ரைடஸ், டெல்லி கேபிடல்ஸ் ஆகிய 10 அணிகள் பங்கேற்கின்றன என்பது குறிப்பிடத்தக்கது.

16/12/2025 20:50:57

IPL Auction 2026 LIVE: சன் ரைசர்ஸ் அணியில் லிவிங்ஸ்டன்

இங்கிலாந்து வீரர் லியாம் லிவிங்ஸ்டன்னை 13 கோடிக்கு ஏலத்தில் எடுத்தது சன் ரைசர்ஸ் ஐதராபாத்