ஐ.பி.எல் சீசன் 17:


 


ரசிகர்களின் பெரும் எதிர்பார்ப்புகளுக்கு மத்தியில் தொடங்கிய ஐ.பி.எல் விறுவிறுப்புடன் நடைபெற்று வருகிறது. அந்தவகையில் இதுவரை 8 லீக் போட்டிகள் முடிந்துள்ளன. இரண்டு வெற்றிகளை பெற்று 4 புள்ளிகளுடன் புள்ளிப்பட்டியலில் சென்னை சூப்பர் கிங்ஸ் அணி முதல் இடத்தில் இருக்கிறது. அடுத்த இடத்தில் ராஜஸ்தான் ராயல்ஸ் அணி 2 புள்ளிகளுடன் உள்ளது. அதேநேரம் டெல்லி கேபிட்டல்ஸ் அணி புள்ளிப்பட்டியலில் 8 வது இடத்தில் இருக்கிறது.  இந்நிலையில் தான் இன்று (மார்ச் 28) ராஜஸ்தானில் 9 லீக் போட்டி நடைபெற்று வருகிறது.


 


ராஜஸ்தான் ராயல்ஸ் vs டெல்லி கேபிட்டல்ஸ்:


கடந்த தொடரில் முதல் 5 போட்டிகளில் நான்கில் வெற்றி பெற்ற ராஜஸ்தான், கடைசியில் பெற்ற அடுத்தடுத்த தோல்விகளால் பிளே-ஆஃப் வாய்ப்பை இழந்தது. தற்போதைய சூழலில் ராஜஸ்தான் அணி பட்லர், ஜெய்ஷ்வால், சாம்சன், பவல் மற்றும் ஜுரெல் என வலுவான பேட்டிங்கை கொண்டிருக்க, பந்துவீச்சில் சாஹல் மற்றும் அஷ்வின் நம்பிக்கை அளிக்கின்றனர்.


வேகப்பந்துவீச்சு சற்று பலவீனமாகவே தெரிகிறது. அதோடு ஒரு அணியாக சேர்ந்து செயல்பட்டால் இன்றைய போட்டியிலும் வெற்றியை ஈட்ட அதிக வாய்ப்புள்ளது. மறுமுனையில், கடந்த முறை வார்னர் தலைமையில் களமிறங்கிய டெல்லி அணி புள்ளிப்பட்டியலில் 9வது இடத்திற்கு தள்ளப்பட்டது. அதேநேரம், தற்போது காயத்தில் இருந்து மீண்ட கேப்டன் ரிஷப் பண்ட் மீண்டும் அணிக்கு திரும்பியது நம்பிக்கை அளிக்கிறது. முதல் போட்டியில் பேட்டிங்கில் சொதப்பியது அணியின் தோல்விக்கு காரணமாக அமைந்துவிட்டது. இந்த முறை கூடுதல் கவனமாக செயல்பட வேண்டியது அவசியம்.


ஐபிஎல் வரலாற்றில் இதுவரை இரு அணிகளும் 27 முறை நேருகு நேர் மோதியுள்ளன. அதில் ராஜஸ்தான் அணி 14 முறையும், டெல்லி அணி 13 முறையும் வெற்றி பெற்றுள்ளன.  டெல்லி அணிக்கு எதிராக ஒரு போட்டியில் ராஜஸ்தான் அணி அதிகபட்சமாக 222 ரன்களையும், குறைந்தபட்சமாக 115 ரன்களையும் பதிவு செய்துள்ளது. அதேநேரம், ராஜஸ்தான் அணிக்கு எதிராக ஒரு போட்டியில் டெல்லி அணி அதிகபட்சமாக 207 ரன்களையும், குறைந்தபட்சமாக 60 ரன்களையும் பதிவு செய்துள்ளது.


டாஸ் வென்ற டெல்லி:


டாஸ் வென்ற ரிஷப் பண்ட் தலைமையிலான டெல்லி கேபிட்டல்ஸ் அணி முதலில் பந்து வீச்சை தேர்வு செய்துள்ளது. அந்த வகையில் சஞ்சு சாம்சன் தலைமையிலான ராஜஸ்தான் அணி முதலில் பேட்டிங் செய்ய உள்ளது.


 


ராஜஸ்தான் அணி வீரர்கள்:


சஞ்சு சாம்சன் (கேப்டன்), யஷஸ்வி ஜெய்ஸ்வால், ஜோஸ் பட்லர், ரியான் பராக், ஷிம்ரோன் ஹெட்மியர், துருவ் ஜூரல், ரவிச்சந்திரன் அஸ்வின், டிரெண்ட் போல்ட், அவேஷ் கான், சந்தீப் சர்மா, யுஸ்வேந்திர சாஹல்


 


டெல்லி கேபிட்டல்ஸ்:


ரிஷப் பந்த், மிட்செல் மார்ஷ், டேவிட் வார்னர், ரிக்கி புய், டிரிஸ்டன் ஸ்டப்ஸ், அக்சர் படேல், சுமித் குமார், குல்தீப் யாதவ், அன்ரிச் நார்ட்ஜே, கலீல் அகமது, முகேஷ் குமார்