ஐபிஎல் தொடரில் இன்று நடைபெறும் லீக் போட்டியில் சென்னை மற்றும் டெல்லி அணிகள் மோத உள்ள நிலையில், இரு அணிகளுக்கு இடையேயான புள்ளி விவரங்களை இந்த தொகுப்பில் அறியலாம்.
சென்னை - ஐதராபாத் மோதல்:
ஐபிஎல் தொடரில் இன்று நடைபெறும் 55வது லீக் போட்டியில் தோனி தலைமையிலான சென்னை சூப்பர் கிங்ஸ் அணியுடன், வார்னர் தலைமையிலான டெல்லி கேபிடல்ஸ் அணி மோத உள்ளது. சென்னை சேப்பாக்கம் மைதானத்தில் இந்திய நேரப்படி மாலை 7.30 மணிக்கு இந்த போட்டி தொடங்க உள்ளது. இதனை தொலைக்காட்சியில் ஸ்டார் ஸ்போர்ட்ஸ் அலைவரிசையிலும், ஜியோ சினிமா தொலைக்காட்சியிலும் ரசிகர்கள் கண்டுகளிக்கலாம். இந்த போட்டியில் சென்னை அணி வெற்றி பெற்றால் புள்ளிப்பட்டியலில் 2வது இடத்தை உறுதி செய்யும். அதேநேரம், டெல்லி அணி ஆரம்பித்தில் சொதப்பினாலும், தற்போது நல்ல ஃபார்மில் உள்ளது. குறிப்பாக கடைசியாக விளையாடிய 6 போட்டிகளில் நான்கில் அந்த அணி வெற்றி பெற்றது. இந்நிலையில் சென்னை மற்றும் டெல்லி அணிகளுக்கு இடையேயான போட்டியில், ஐபிஎல் தொடரில் யார் அதிகம் ஆதிக்கம் செலுத்தியுள்ளனர் என்பதை இந்த தொகுப்பில் அறியலாம்.
நேருக்கு நேர்:
ஐபிஎல் வரலாற்றில் இதுவரை சென்னை மற்றும் டெல்லி அணிகள் 27 முறை மோதியுள்ளன. அவற்றில் 17 போட்டிகளில் சென்னை அணி வெற்றி பெற்று ஆதிக்கம் செலுத்தி வருகிறது. கடைசியாக இவ்விரு அணிகளும் மோதிய 5 போட்டிகளில், டெல்லி அணி 3 முறையும், சென்னை அணி 2 முறையும் வெற்றி பெற்றுள்ளன. அதேநேரம், நடப்பு தொடரில் ஏற்கனவே மோதியபோது சென்னை அணி வாகை சூடியது. சேப்பாக்கம் மைதானத்தில் இதுவரை இந்த இரு அணிகளும் 8 முறை மோதியுள்ளன. அதில் 6 முறை சென்னை அணிதான் வெற்றி பெற்றுள்ளது.
ஸ்கோர் விவரங்கள்:
டெல்லி அணிக்கு எதிராக சென்னை அணியின் அதிகபட்ச ஸ்கோர்: 222
சென்னை அணிக்கு எதிராக டெல்லி அணியின் அதிகபட்ச ஸ்கோர்: 198
டெல்லி அணிக்கு எதிராக சென்னை அணியின் குறைந்தபட்ச ஸ்கோர்: 110
சென்னை அணிக்கு எதிராக டெல்லி அணியின் குறைந்தபட்ச ஸ்கோர்: 83
தனிநபர் சாதனைகள்:
டெல்லி அணிக்கு எதிராக அதிக ரன்கள் எடுத்த சென்னை அணி வீரர்: தோனி, 604 ரன்கள்
சென்னை அணிக்கு எதிராக அதிக ரன்கள் எடுத்த டெல்லி அணி வீரர்: தவான், 433 ரன்கள்
டெல்லி அணிக்கு எதிராக அதிக விக்கெட் எடுத்த சென்னை அணி வீரர்: பிராவோ, 19 விக்கெட்கள்
சென்னை அணிக்கு எதிராக அதிக விக்கெட் எடுத்த டெல்லி அணி வீரர்: நோர்ட்ஜே, 9 விக்கெட்கள்
ஒரு போட்டியில் தனிநபரால் அடிக்கப்பட்ட அதிகபட்ச ரன் - முரளி விஜய், 113
சிறந்த பந்துவீச்சு - இம்ரான் தாஹிர், 4/12
நடப்பு தொடரில் இதுவரை:
நடப்பு தொடரில் இதுவரை சென்னை அணி 11 போட்டிகளில் விளையாடி 6 போட்டிகளில் வென்று புள்ளிப்பட்டியலில் 2வது இடத்தில் உள்ளது. அதேநேரம், டெல்லி அணியோ 10 போட்டிகளில் விளையாடி 4 போட்டிகளில் மட்டுமே வெற்றி பெற்று புள்ளிப்பட்டியலில் கடைசிஒ இடத்தில் உள்ளது. இதனால் இன்றை போட்டியில் வென்று புள்ளிப்பட்டியலில் இரண்டாவது இடத்தை உறுதி செய்ய சென்னை அணியை அதிக முனைப்பு காட்டி வருகிறது.