சென்னையில் உள்ள MA சிதம்பரம் ஸ்டேடியத்தில் இன்று (மே 26ம் தேதி) மோதும் இந்தியன் பிரீமியர் லீக் 2024 இறுதிப் போட்டியில் கொல்கத்தா நைட் ரைடர்ஸ் அணியும் சன்ரைசர்ஸ் ஹைதராபாத் அணிகள் மோதி வருகிறது. இதில், டாஸ் வென்ற சன்ரைசர்ஸ் ஹைதராபாத் அணி கேப்டன் பாட் கம்மின்ஸ் முதலில் டாஸ் வென்று பேட்டிங்கை தேர்வு செய்தார்.
அடுத்தடுத்து விக்கெட்டுகள்:
இதையடுத்து, நடப்பு ஐபிஎல் சீசனில் அதிரடி தொடக்க ஜோடியான அபிஷேக் சர்மா - டிராவிஸ் ஹெட் களமிறங்கினர். முதல் ஓவரிலேயே அபிஷேக் சர்மாவை மிட்செல் ஸ்டார்க் க்ளீன் போல்ட் செய்து ஆட்டமிழக்கச் செய்ததன் மூலம் கொல்கத்தா பக்கம் ஆட்டம் திரும்பியது.
இதில் இருந்து ஹைதராபாத் அணி மீண்டு வருவதற்கு முன்பே, வைபவ் அரோரா மற்றொரு ஹைதராபாத் தொடக்க ஆட்டக்காரர் டிராவிஸ் ஹெட்டை கோல்டன் டக் மூலம் வெளியேற்றினார். ஹைதராபாத் அணியை முற்றிலுமாக பின்னுக்குத் தள்ள, ராகுல் திரிபாதியை அவுட் செய்து ஸ்டார்க் மீண்டும் கெத்து காட்டினார். தொடர்ந்து கொல்கத்தா அணியின் பந்துவீச்சாளர்கள் ஆதிக்கம் செலுத்த, ஹைதராபாத் அணியின் விக்கெட்கள் வீழ்ந்து வருகிறது.
தற்போது எழுதும் வரை சன்ரைசர்ஸ் ஹைதராபாத் அணி 15.2 ஓவர்கள் முடிவில் 8 விக்கெட் இழப்பிற்கு 95 ரன்கள் மட்டுமே எடுத்துள்ளது. இதையடுத்து, தற்போது நெட்டிசன்கள் ட்விட்டர் பக்கத்தில் Congratulations KKR என ட்ரெண்ட் செய்து வருகின்றனர்.
SRH vs KKR இடையேயான இறுதிப்போடியின் ஒருசில மீம்ஸ்கள் இதோ!