தெற்காசிய கால்பந்து தொடர் இந்தியாவில் நடைபெற்று வந்தது. இதன் இறுதிப்போட்டி இன்று பெங்களூரில் நடைபெற்றது. இந்த போட்டியில் இந்தியா – குவைத்தும் கோப்பைக்காக மோதின.
இதில், ஆட்டம் நடைபெற்ற 90 நிமிடத்தில் இந்தியா- குவைத் தலா 1 கோல்களை அடித்து சம நிலையில் இருந்தன. இதனால், ஆட்டத்தில் கூடுதல் நேரம் ஒதுக்கப்பட்டது. கூடுதல் நேரம் ஒதுக்கப்பட்டபோதும் இரு அணிகளும் கோல் அடிக்கவில்லை.
இதையடுத்து, பெனால்டி – ஷூட் அவுட்டிற்கு ஆட்டம் சென்றது. பெனால்டி ஷூட் அவுட்டில் 5-4 என்ற கணக்கில் இந்தியா அபார வெற்றி பெற்றது. தெற்காசிய கோப்பையை இந்திய கால்பந்து அணி கைப்பற்றுவது இது 9வது முறையாகும். கோப்பையை கைப்பற்றிய இந்திய அணிக்கு ரசிகர்கள் வாழ்த்து தெரிவித்து வருகின்றனர்.