22வது உலகக் கோப்பை கால்பந்து திருவிழா கத்தார் நாட்டில் தொடங்கி நடைபெற்று வருகிறது. 32 அணிகள் 64 போட்டிகள் என கத்தாரில் திருவிழா கொண்டாட்டம் நடைபெற்று வருகிறது.
2வது சுற்று ஆட்டம்:
இன்று முதல் 2ஆவது சுற்று ஆட்டம் நடைபெறவுள்ளது. இரண்டாம் உலகப் போர் காரணமாக 1942 மற்றும் 1946 ஆகிய ஆண்டுகளில் மட்டும் உலகக் கோப்பை கால்பந்து போட்டி நடத்தப்படவில்லை. கடைசியாக 2018-ஆம் ஆண்டு ரஷ்யாவில் நடைபெற்ற இந்தப் போட்டியில் பிரான்ஸ் சாம்பியன் பட்டம் வென்றது.
இந்தப் போட்டி டிசம்பர் 18-ஆம் தேதி வரை நடைபெறவுள்ளது. அரபு நாட்டில் நடக்கும் முதல் உலகக் கோப்பை போட்டியான இதில் 32 நாடுகளைச் சேர்ந்த கால்பந்து அணிகள் பங்கேற்றுள்ளன.
2ம் சுற்றுக்கு யார்..? யார்..?
32 அணிகள் 8 பிரிவுகளாகப் பிரிக்கப்பட்டு லீக் ஆட்டங்களில் மோதுகின்றன. ஒவ்வொரு அணியும் தங்கள் பிரிவில் உள்ள மற்ற அணிகளுடன் தலா ஒரு முறை லீக் ஆட்டத்தில் சந்தித்தது. லீக் சுற்று முடிவில் ஒவ்வொரு பிரிவிலும் முதல் இரண்டு இடங்களை பிடித்த அணிகள் 2-ஆவது சுற்றுக்கு (ரவுண்ட்-16) முன்னேறியது.
அந்தப் பட்டியலை காண்போம். ஏ பிரிவில் இடம்பெற்றிருந்த 3 முறை பைனலுக்கு முன்னேறிய நெதர்லாந்து, மேற்கு ஆப்பிரிக்க நாடான செனகல் ஆகிய நாடுகள் குரூப் சுற்றில் மொத்தம் 3 ஆட்டங்களில் விளையாடியது. நெதர்லாந்து 2 ஆட்டங்களிலும், செனகல் 2 ஆட்டங்களிலும் வெற்றி பெற்றது. நெதர்லாந்து ஓர் ஆட்டத்தில் டிராவும், செனகல் 1 ஆட்டத்தில் தோல்வியும் அடைந்தது. நெதர்லாந்து 7 புள்ளிகளுடனும், செனகல் 6 புள்ளிகளுடன் முதல் இரண்டு இடங்களைப் பிடித்தது.
பி பிரிவு
பி பிரிவில் இங்கிலாந்து, அமெரிக்கா ஆகிய அணிகள் அடுத்த சுற்றுக்கு முன்னேறியது.
முன்னாள் சாம்பியனான இங்கிலாந்து அணி, 3 ஆட்டங்களில் விளையாடி அதில் 2 ஆட்டங்களில் வெற்றியும், ஓர் ஆட்டத்தில் டிராவும் செய்து 7 புள்ளிகளுடன் முதலிடத்தில் உள்ளது. அடுத்த இடத்தில் அமெரிக்கா 5 புள்ளிகளுடன் இரண்டாவது இடத்தை பிடித்தது.
சி பிரிவு
சி பிரிவில் மெஸ்ஸி தலைமையிலான அர்ஜென்டினா அணியும், போலந்து அணியும் அடுத்த சுற்றுக்கு முன்னேறியது. அர்ஜென்டினா 3 ஆட்டங்களில் விளையாடி 2 ஆட்டங்களில் வெற்றியும் ஒரு தோல்வியையும் பெற்றது.
டி பிரிவு
டி பிரிவில் பிரான்ஸ், ஆஸ்திரேலியா ஆகிய அணிகள் டாப் 2 பிரிவில் இடம்பிடித்துள்ளன.
இரு அணிகளுமே தலா 6 புள்ளிகளைப் பெற்றுள்ளன. துனிசியா, டென்மார்க் ஆகிய அணிகள் வெளியேறின.
இ பிரிவு
இந்தப் பிரிவில் ஜப்பான், ஸ்பெயின் ஆகிய அணிகள் டாப் 2 பிரிவில் உள்ளன.
எஃப் பிரிவு
இந்தப் பிரிவில் மொராக்கோ 7 புள்ளிகளுடனும், குரோஷியா 5 புள்ளிகளுடனும் டாப் 2 பிரிவில் இடம்பிடித்தன. பெல்ஜியம், கனடா ஆகிய அணிகள் வெளியேறின.
FIFA WC 2022 Qatar: உலகக் கோப்பையை விட்டு வெளியேறியது ஜெர்மனி அணி.. காரணம் ஜப்பானா?
ஜி பிரிவு
ஜி பிரிவில் பிரேசில் அணி 6 புள்ளிகளுடனும் சுவிட்சர்லாந்து அணி 3 புள்ளிகளுடனும் அடுத்த சுற்றுக்கு முன்னேறியது.
எச் பிரிவு
குரூப் எச் பிரிவில் போர்ச்சுகல் (6 புள்ளிகள்), தென்கொரியா (4 புள்ளிகள்) ஆகிய அணிகள் டாப் 2 இடங்களைப் பிடித்து அடுத்த சுற்றுக்கு முன்னேறியது.
இன்று தொடக்கம்
இன்று ஏ பிரிவில் இடம்பெற்றுள்ள நெதர்லாந்தும், பி பிரிவில் 2ஆவது இடம் பிடித்த அமெரிக்காவும் 2ஆவது சுற்று ஆட்டத்தில் மோதுகிறது.