2021-ம் ஆண்டு, கிரிக்கெட் விளையாட்டில் இந்திய அணி சில முக்கிய மாற்றங்களை சந்தித்திருக்கிறது. சர்வதேச டி20 கிரிக்கெட் கேப்டன் பொறுப்பில் இருந்து கோலி விலகியதால் ரோஹித் கேப்டனாக்கப்பட்டார், ரவி சாஸ்திரியின் பதவி காலம் முடிந்ததால் ராகுல் டிராவிட் அணியின் தலைமை பயிற்சியாளராக பொறுப்போற்று கொண்டது என முக்கிய மாற்றங்கள் செய்யப்பட்டன.
இந்நிலையில், டெஸ்ட் மற்றும் ஒரு நாள் கிரிக்கெட்டுக்கான கேப்டன்சி பொறுப்பில் கோலியே நீடிப்பார் என பிசிசிஐ சார்பில் தெரிவிக்கப்பட்டு வந்தாலும், ஒரு நாள் கேப்டன்சியும் ரோஹித் வசம் ஒப்படைக்கப்படும் என தெரிவிக்கப்பட்டது. அதன்படி,
இந்திய அணியின் ஒருநாள் மற்றும் டி20 கேப்டனாக ரோஹித் சர்மாவை தேர்வு செய்ய தேர்வுக்குழு முடிவு செய்துள்ளது. 2023 உலகக்கோப்பையை கருத்தில் கொண்டு, இப்போதே ரோஹித் தலைமையில் இந்திய அணியை ஒப்படைக்கும் பணியில் பிசிசிஐ மும்முரமாக இருந்தது. அதன்படி தற்போது அறிவிப்பு வெளியாகியுள்ளது
நியூசிலாந்துக்கு எதிரான டி20 தொடரையும், டெஸ்ட் தொடரையும் வென்ற இந்திய அணி அடுத்து தென்னாப்ரிக்காவில் சுற்றுப்பயணம் மேற்கொள்ள இருக்கின்றது. ஒமிக்ரான் வைரஸ் தொற்று காரணமாக தென்னாப்பிரிக்கா செல்வதாக திட்டமிடப்பட்டிருந்த இந்திய கிரிக்கெட் அணியின் தொடர் ஒத்திவைக்கப்பட்டது. இந்த நிலையில், இந்திய அணி தென்னாப்பிரிக்காவில் சுற்றுப்பயணம் செய்வதற்கான புதிய அட்டவணையை தென்னாப்பிரிக்க கிரிக்கெட் வாரியம் அறிவித்தது. அதன்படி, டிசம்பர் 26-ம் தேதி போட்டிகள் தொடங்குகின்றன. 3 டெஸ்ட், 3 ஒரு நாள் போட்டிகள் கொண்ட தொடர்களிலும் டி20 தொடரிலும் விளையாட உள்ளது. இந்நிலையில் டெஸ்ட் அணி அறிவிக்கப்பட்டுள்ளது
விராட் கோலி (கேப்டன்)
ரோஹித் சர்மா (துணை கேப்டன்)
கே எல் ராகுல்
மயங்க் அகர்வால்
புஜாரா,
ரஹானே
ஸ்ரேயாஸ் ஐயர்
ஹணுமா விஹாரி
ரிஷப் பண்ட்
சஹா
அஷ்வின்
ஜெயந்த் யாதவ்
இஷாந்த் சர்மா
முகமது ஷமி
உமேஷ் யாதவ்
பும்ரா
ஷர்துல் தாக்கூர், சிராஜ்
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்