PAK vs SL Asia Cup Final LIVE:6 பந்துகளில் 32 ரன்கள் தேவை...! வெற்றியின் விளிம்பில் இலங்கை..!
PAK vs SL Asia Cup Final LIVE: ஆசிய கோப்பை இறுதிப்போட்டியில் இலங்கை - பாகிஸ்தான் ஸ்கோர் நிலவரங்களை உடனுக்குடன் கீழே காணலாம்.
LIVE
Background
ஐக்கிய அரபு அமீரகத்தில் நடைபெற்று வரும் ஆசிய கோப்பை போட்டியின் இறுதிப்போட்டியில் இலங்கை – பாகிஸ்தான் அணிகள் இன்று மோத இருக்கின்றனர். போட்டியின் சூப்பர் 4 சுற்றில் இந்தியா மற்றும் ஆப்கானிஸ்தான் அணிகளை வீழ்த்தி இரு அணிகளும் இறுதிப் போட்டிக்கு முன்னேறின. செப்டம்பர் 9 ஆம் தேதி துபாயில் நடந்த இறுதி சூப்பர் 6 போட்டியில் பாகிஸ்தான் அணியை இலங்கை அணி 5 விக்கெட் வித்தியாசத்தில் வீழ்த்தியது.
முதலில் டாஸ் வென்ற இலங்கை அணி பாகிஸ்தான் அணியை பேட்டிங் செய்ய அழைத்தது. அதன்படி, முதலில் பேட்டிங் செய்த பாகிஸ்தான் அணி 19.1 ஓவர்களில் 121 ரன்களுக்கு அனைத்து விக்கெட்களையும் இழந்தது. இதை தொடர்ந்து 122 என்ற இலக்குடன் களமிறங்கிய இலங்கை அணி 17 ஓவர்களில் 5 விக்கெட் இழப்பிற்கு 122 ரன்கள் எடுத்து வெற்றி பெற்றது.
டி 20 போட்டிகளில் நேருக்கு நேர் :
- விளையாடிய போட்டிகள் - 22
- இலங்கை வெற்றி – 9
- பாகிஸ்தான் வெற்றி – 13
- இலங்கைக்கு எதிராக அதிக ரன்கள் அடித்த வீரர் – சோயப் மாலிக் (397 ரன்கள்)
- இலங்கைக்கு எதிராக அதிக விக்கெட் எடுத்த வீரர் - ஷாஹித் அப்ரிடி / சயீத் அஜ்மல் (14 விக்கெட்கள்)
- பாகிஸ்தான் எதிராக அதிக ரன்கள் அடித்த வீரர் - திலகரத்ன டில்ஷான் (232 ரன்கள்)
- இலங்கைக்கு எதிராக அதிக விக்கெட் எடுத்த வீரர் - லசித் மலிங்கா (16 விக்கெட்கள்)
ஆசிய கோப்பை: இலங்கை மற்றும் பாகிஸ்தான் அணிகள் நேருக்கு நேர் :
- விளையாடிய போட்டிகள் - 16
- இலங்கை வெற்றி – 11
- பாகிஸ்தான் வெற்றி – 5
ஆசியக் கோப்பையின் இறுதிப் போட்டியில் இலங்கை அணியும், பாகிஸ்தான் அணியும் மூன்று முறை நேருக்கு நேர் மோதியுள்ளன. இதில் இலங்கை (1986, 2014) இரண்டு முறையும், பாகிஸ்தான் அணி 2000 ம் ஆண்டு ஒருமுறை வென்றது. கடந்த 2014 ம் ஆண்டுக்கு பிறகு இரு அணிகளும் விளையாடுவது இதுவே முதல் முறை.
6 பந்துகளில் 32 ரன்கள் தேவை...! வெற்றியின் விளிம்பில் இலங்கை..!
பாகிஸ்தான் அணியின் வெற்றிக்கு கடைசி 6 பந்துகளில் 32 ரன்கள் தேவைப்பட்டது. பாகிஸ்தான் கைவசம் 1 விக்கெட்டுகள் மட்டுமே இருக்கிறது.
ஒரே ஓவரில் 3 விக்கெட்டுகள்..! இலங்கை வெல்லுமா..?
ஹசரங்கா வீசிய 17வது ஓவரில் மட்டும் பாகிஸ்தான் அணி 3 விக்கெட்டுகளை இழந்ததால் ஆட்டத்தில் பெரும் பரபரப்பு ஏற்பட்டுள்ளது.
கோல்டன் டக் அவுட்டாகிய ஆசிப் அலி..!
பாகிஸ்தான் அணியின் நம்பிக்கை நட்சத்திரம் ஆசிப் அலி இலங்கையின் ஹசரங்கா பந்தில் முதல் பந்திலே கோல்டன் டக் அவுட்டாகி வெளிேயேறினார்.
முகமது ரிஸ்வான் அவுட்..! வெற்றி பெறப்போவது யார்.?
பாகிஸ்தான் அணியின் நம்பிக்கை நட்சத்திரமான முகமது ரிஸ்வான் முக்கியமான கட்டத்தில் 55 ரன்கள் எடுத்த நிலையில் ஆட்டமிழந்தார்.
முகமது ரிஸ்வான் அதிரடி அரைசதம்..!
பாகிஸ்தான் தொடக்க வீரர் முகமது ரிஸ்வான் அரைசதம் விளாசியுள்ளார். அவர் களத்தில் இருப்பதால் பாகிஸ்தான் அணி நம்பிக்கையுடன் உள்ளது.
முகமது நவாஸ் அவுட்..! கடைசி கட்டத்தில் விறுவிறுப்பு..!
பாகிஸ்தான் அணியின் அதிரடி வீரர் முகமது நவாஸ் 9 பந்துகளில் 6 ரன்கள் எடுத்த நிலையில் ஆட்டமிழந்தார்.
36 பந்துகளில் 74 ரன்கள் தேவை..!
பாகிஸ்தான் வெற்றிக்கு 36 பந்துகளில் 74 ரன்கள் தேவைப்படுவதால் ஆட்டத்தில் பரபரப்பு ஏற்பட்டுள்ளது.
3வது விக்கெட்டை இழந்தது பாகிஸ்தான்..! ஆட்டத்தில் திருப்புமுனையா..?
பாகிஸ்தான் அணிக்கு முக்கிய பார்ட்னர்ஷிப் அமைத்துக்கொடுத்த இப்திகார் 30 பந்துகளில் 2 பவுண்டரி 1 சிக்ஸருடன் 32 ரன்கள் எடுத்த நிலையில் ஆட்டமிழந்தார்.
5 ஓவர்களில் 2 விக்கெட் இழப்பிற்கு 32 ரன்கள்...!
பாகிஸ்தான் அணியின் கேப்டன் பாபர் அசாம், பக்கர் ஜமான் அடுத்தடுத்து ஆட்டமிழந்ததால் 5 ஓவர்களில் 2 விக்கெட் இழப்பிற்கு 32 ரன்களை எடுத்துள்ளது.
பந்துவீசும் முன்னரே பாகிஸ்தானுக்கு கிடைத்த 9 ரன்கள்..!
பனுகா ராஜபக்சே முதல் பந்தை நோ பாலாக வீசிய பிறகு தொடர்ந்து 5 பந்துகளை வைடாக வீசியதால் பாகிஸ்தான் அணிக்கு 9 ரன்கள் போட்டியைத் தொடங்காமலே கிடைத்தது.
பனுகா ராஜபக்சே அதிரடி..! பாகிஸ்தானுக்கு 171 ரன்கள் இலக்கு..!
ஆசிய கோப்பையை வெல்ல பாகிஸ்தான் அணிக்கு 171 ரன்களை இலக்காக இலங்கை அணி நிர்ணயித்துள்ளது. பனுகா ராஜபக்சே ஆட்டமிழக்காமல் 71 ரன்களை விளாசியுள்ளது.
ராஜபக்சேவிற்கு கேட்ச்சை கோட்டை விடும் பாகிஸ்தான்..!
இலங்கை அணிக்காக அதிரடியாக ஆடிக்கொண்டிருக்கும் ராஜபக்சே அளித்த கேட்ச் வாய்ப்பை பாகிஸ்தான் வீரர்கள் ஆசிப் அலியும், ஷதாப்கானும் கோட்டை விட்டனர். இதனால், இலங்கை அணி 150 ரன்களை கடந்தது.
அரைசதம் விளாசி அசத்திய பனுகா ராஜபக்சே..!
இலங்கை அணியின் பனுகா ராஜபக்சே சிறப்பாக ஆடி 35 பந்துகளில் 50 ரன்களை விளாசி அசத்தியுள்ளார்.
கடைசி கட்டத்தில் அதிரடி காட்டும் இலங்கை..!
ஆசிய கோப்பையின் இறுதிப்போட்டியில் ராஜபக்சே - கருணரத்னே ஜோடி கடைசி கட்டத்தில் அதிரடி காட்டி வருகிறது.
16 ஓவர்களில் 120 ரன்கள்..! அதிரடி காட்டிய ஹசரங்கா அவுட்..!
ஹசரங்காவின் அதிரடியால் இலங்கை அணி 16 ஓவர்களில் 120 ரன்களை எடுத்துள்ளது.
2 ரன்களில் போல்டாகிய இலங்கை கேப்டன் சனகா..! 5 விக்கெட்டுகளை இழந்த இலங்கை..!
இலங்கை கேப்டன் சனகா 2 ரன்களில் போல்டாகி ஏமாற்றம் அளித்தார். இதனால், இலங்கை ரசிகர்கள் சோகம் அடைந்துள்ளனர்.
இப்திகார் பந்தில் அவுட்டான டி சில்வா..! 53 ரன்களுக்கு 4 விக்கெட்டுகள்..!
பாகிஸ்தான் அணிக்கு எதிராக சிறப்பாக ஆடிய டி சில்வா 21 பந்துகளில் 4 பவுண்டரியுடன் 28 ரன்கள் எடுத்த நிலையில் இப்திகார் பந்தில் ஆட்டமிழந்தார்.
3 விக்கெட்டுகளை பறிகொடுத்த இலங்கை...! பாகிஸ்தான் அபார பந்துவீச்சு..!
இலங்கை அணி 36 ரன்களுக்கு 3 விக்கெட்டுகளை இழந்து தடுமாறி வருகிறது.
குசல் மெண்டிஸ் போல்ட்..! முதல் ஓவரிலே விக்கெட்டை பறிகொடுத்த இலங்கை..!
முதல் ஓவரிலே நசீம்ஷா வீசிய பந்தில் இலங்கை வீரர் குசல் மெண்டிஸ் போல்டாகி வெளியேறினார்.
டாஸ் வென்ற பாகிஸ்தான்..! இமாலய இலக்கை குவிக்குமா இலங்கை..?
ஆசிய கோப்பை இறுதிப்போட்டியில் பாகிஸ்தான் அணி டாஸ் வென்று பந்துவீச்சைத் தேர்வு செய்துள்ளது.
துபாய் மைதானத்தில் குவியும் இலங்கை - பாகிஸ்தான் ரசிகர்கள்...!
இறுதிப்போட்டி நடைபெறும் துபாய் மைதானத்தில் இலங்கை ரசிகர்களும், பாகிஸ்தான் ரசிகர்களும் குவிந்து வருகின்றனர்.