மகளிர் டி20 உலகக் கோப்பை:
ரசிகர்களின் பெரும் எதிர்பார்ப்புகளுக்கு மத்தியில் ஐசிசி டி20 உலகக் கோப்பை 2024 மகளிர் போட்டி (அக்டோபர் 3) பிரமாண்டமாக தொடங்கியது. இந்த தொடரில் கலந்து கொண்டுள்ள 10 அணிகள் இரு பிரிவாக பிரிக்கப்பட்டுள்ளன. அதன்படி ஏ பிரிவில் இந்தியா, நடப்பு சாம்பியன் ஆஸ்திரேலியா, நியூசிலாந்து, இலங்கை, பாகிஸ்தான் அணிகளும், ‘பி’ பிரிவில் இங்கிலாந்து, தென்ஆப்பிரிக்கா, வெஸ்ட் இண்டீஸ், வங்காளதேசம், ஸ்காட்லாந்து அணிகளும் இடம் பெற்றுள்ளன.
வெற்றிக் கணக்கை தொடங்குமா இந்தியா?
அந்த வகையில் நேற்று (அக்டோபர் 5) நடைபெற்ற போட்டியில் இந்திய அணி நியூசிலாந்து அணியை எதிர்கொண்டது. இந்த போட்டியில் நியூசிலாந்து அணி 58 ரன்கள் வித்தியாசத்தில் இந்திய அணியை வீழ்த்தி வெற்றி பெற்றது. முதல் போட்டியிலேயே இந்திய அணி தோல்வி அடைந்தது மற்றும் நேற்றைய போட்டியில் இந்திய அணி விளையாடிய விதம் ரசிகர்களை ஏமாற்றம் அடைய செய்தது. இச்சூழலில் தான் இந்திய அணி நாளை (அக்டோபர் 6) பாகிஸ்தான் அணியை எதிர்கொள்ள உள்ளது.
இந்தியா - பாகிஸ்தான் அணிகள்:
முன்னதாக தங்களது முதல் போட்டியில் இலங்க அணியை 31 ரன்கள் வித்தியாசத்தில் வீழ்த்திய முனைப்பில் இந்திய அணியை பாகிஸ்தான் அணி எதிர்கொள்கிறது. நேற்றைய போட்டியின் மோசமான தோல்வியை தொடர்ந்து இப்போதே இந்தியாவின் அரையிறுதி கனவு கிட்டத்தட்ட கேள்விகுறி ஆகியுள்ளது. நியூசிலாந்திடம் சந்தித்த படுதோல்வியால் -2.900 என்ற மோசமான ரன்ரேட்டை பெற்றுள்ள இந்தியா குரூப் ஏ பிரிவில் கடைசி இடத்திற்கு தள்ளப்பட்டுள்ளது. இச்சூழலில் தான் இந்திய அணி பாகிஸ்தானை எதிர்கொள்கிறது. இதனால் இந்த போட்டியில் இந்திய அணி அதிக ரன்கள் வித்தியாசத்தில் பாகிஸ்தான் அணியை வீழ்த்த வேண்டும் என்ற கட்டாயத்தில் இருக்கிறது.
இந்தியா vs பாகிஸ்தான் போட்டி எங்கு நடைபெறும்?
இந்தியா vs பாகிஸ்தான் போட்டி துபாயில் UAE, துபாய் சர்வதேச கிரிக்கெட் ஸ்டேடியத்தில் அக்டோபர் 6, 2024 ஞாயிற்றுக்கிழமை அன்று நடைபெறவுள்ளது.
இந்தியா vs பாகிஸ்தான் போட்டி எந்த நேரத்தில் தொடங்கும்?
இந்தியா vs பாகிஸ்தான், பெண்கள் டி20 உலகக் கோப்பை 2024 குரூப் ஏ போட்டி இந்திய நேரப்படி பிற்பகல் 3:30 மணிக்கு தொடங்குகிறது.
இந்தியா vs பாகிஸ்தான் போட்டியை டிவியில் நேரடியாகப் பார்ப்பது எப்படி?
இந்தியா vs பாகிஸ்தான், பெண்கள் டி20 உலகக் கோப்பை 2024 குரூப் ஏ போட்டி ஸ்டார் ஸ்போர்ட்ஸ் நெட்வொர்க், டிஸ்னி+ஹாட்ஸ்டார் ஆப்ஸ் மற்றும் இணையதளத்தில் நேரடியாக ஒளிபரப்பப்படும்.
இந்திய வீராங்கனைகள்:
ஹர்மன்ப்ரீத் கவுர் (கேப்டன்), ஸ்மிருதி மந்தனா, ஷஃபாலி வர்மா, தீப்தி ஷர்மா, ஜெமிமா ரோட்ரிக்ஸ், ரிச்சா கோஷ், யாஸ்திகா பாட்டியா, பூஜா வஸ்த்ரகர், அருந்ததி ரெட்டி, ரேணுகா சிங் தாக்கூர், தயாளன் ஹேமலதா, ஆஷா சோபனா, ராதா யாதவ், ஸ்ரேயங்கா பட்டில் சஜீவன்
பாகிஸ்தான் வீராங்கனைகள்:
பாத்திமா சனா (கேப்டன்), அலியா ரியாஸ், டயானா பைக், குல் பெரோசா, இராம் ஜாவேத், முனீபா அலி, நஷ்ரா சுந்து, நிடா தார், ஒமைமா சோஹைல், சதாப் ஷமாஸ், சாடியா இக்பால் (உடற்தகுதிக்கு உட்பட்டு), சித்ரா அமின், சையதா அரூப் ஷா , தஸ்மியா ரூபாப், துபா ஹாசன்.