IND vs WI 3rd ODI LIVE: 96 ரன்கள் வித்தியாசத்தில் அபார வெற்றி...! மேற்கிந்திய தீவுகளை ஒயிட்வாஷ் செய்த இந்தியா..!

IND vs WI 3rd ODI Match LIVE Updates: இந்த தொடரை வென்றதன் மூலமாக இந்திய அணி வெஸ்ட் இண்டீஸ் எதிராக தொடர்ச்சியாக பெறும் 7வது தொடர் வெற்றி ஆகும்.

Background

வெஸ்ட் இண்டீஸ் அணிக்கு எதிராக அகமாதாபாத்தில் நடைபெற்ற இரண்டாவது ஒருநாள் கிரிக்கெட் போட்டியில் இந்திய அணி 44 ரன்கள் வித்தியாசத்தில் வெற்றி பெற்று அசத்தியது. இதன்மூலம் மூன்று ஒருநாள் போட்டிகள் கொண்ட இந்த தொடரை 2-0 என்ற கணக்கில் கைப்பற்றியுள்ளது. இந்நிலையில்,  மூன்றவது மற்றும் கடைசி ஒரு நாள் போட்டி இன்று மதியம் தொடங்க உள்ளது.இந்த தொடரை வென்றதன் மூலமாக இந்திய அணி வெஸ்ட் இண்டீஸ் எதிராக தொடர்ச்சியாக பெறும் 7வது தொடர் வெற்றி ஆகும். எனினும், ஆறுதல் வெற்றி பெறும் முனைப்பில் வெஸ்ட் இண்டீஸ் களமிறங்க உள்ளது. இந்திய அணியைப் பொறுத்தவரை, வெஸ்ட் இண்டீஸ் அணியை வையிட் வாஷ் செய்யும் நோக்கத்தில் களமிறங்க உள்ளது.

11/02/2022 20:50:19

96 ரன்கள் வித்தியாசத்தில் அபார வெற்றி...! மேற்கிந்திய தீவுகளை ஒயிட்வாஷ் செய்த இந்தியா..!

மேற்கிந்திய தீவுகள் அணிக்கு எதிரான கடைசி ஒருநாள் கிரிக்கெட் போட்டியில் இந்திய அணி 96 ரன்கள் வித்தியாசத்தில் வெற்றி பெற்றது. 

11/02/2022 19:45:06

அதிரடி காட்டும் ஓடீன் ஸ்மித்...! ஆட்டத்தை மாற்றுமா..?

மேற்கிந்திய தீவுகள் அணி 7 விக்கெட்டுகளை இழந்து தடுமாறினாலும் அந்த அணியின் கடைசி கட்ட வீரர் ஓடின் ஸ்மித் தனி ஆளாக அதிரடியாக ஆடி வருகிறார். தற்போது வரை அவர் 14 பந்தில் 2 பவுண்டரி, 3 சிக்ஸருடன் 31 ரன்களுடன் களத்தில் உள்ளார். 

11/02/2022 19:24:55

6 விக்கெட்டுகளை இழந்து மேற்கிந்திய தீவுகள் தடுமாற்றம்...!

இந்தியா நிர்ணயித்த 266 ரன்களை நோக்கி ஆடி வரும் மேற்கிந்திய தீவுகள் அணி 6 விக்கெட்டுகளை இழந்து தடுமாறி வருகிறது. 17 ஓவர்களில் அந்த அணி 86 ரன்கள் மட்டுமே எடுத்து ஆடி வருகிறது. 

11/02/2022 18:20:24

ஒரே ஓவரில் 2 விக்கெட்டுகளை கைப்பற்றி தீபக் சாஹர் அசத்தல்...!

பிரண்டன் கிங்கை ஆட்டமிழக்கச் செய்த அதே ஓவரில் மேற்கிந்திய வீரர் ஷாம்ரா ப்ரூக்சையும் தீபக் சாஹர் ஆட்டமிழக்கச் செய்தார். 

11/02/2022 18:18:03

பிரண்டன் கிங்கை ஆட்டமிழக்கச் செய்த தீபக் சாஹர்...! மேற்கிந்திய தீவுகள் 25-2..!

மேற்கிந்திய தீவுகள் அணியின் மற்றொரு தொடக்க வீரர் பிரண்டன் கிங் 14 ரன்கள் எடுத்த நிலையில் தீபக் சாஹர் பந்தில் கேட்ச் கொடுத்து ஆட்டமிழந்தார். 

11/02/2022 18:12:12

முதல் விக்கெட்டை இழந்த மேற்கிந்திய தீவுகள் அணி....!

இந்திய அணிக்காக 266 ரன்கள் இலக்குடன் ஆடி வரும் மேற்கிந்திய தீவுகள் அணி முதல் விக்கெட்டை இழந்துள்ளது. அந்த அணியின் தொடக்க வீரர் ஷாய் ஹோப் 5 ரன்களில் முகமது சிராஜ் பந்தில் எல்.பி.டபுள்யூ ஆகி வெளியேறினார். 

11/02/2022 17:22:59

மேற்கிந்திய தீவுகள் அணிக்கு 266 ரன்கள் இலக்கு...!

மேற்கிந்திய தீவுகள் அணிக்கு எதிராக முதலில் பேட் செய்த இந்திய அணி 50 ஓவர்களில் அனைத்து விக்கெட்டுகளையும் இழந்து 265 ரன்களை எடுத்துள்ளது. 

11/02/2022 16:48:55

200 ரன்களை கடந்த இந்தியா..! அதிரடியாக ஆடும் வாஷிங்டன் சுந்தர், தீபக் சாஹர்...!

மேற்கிந்திய தீவுகள் அணிக்கு எதிரான கடைசி ஒருநாள் கிரிக்கெட் போட்டியில் இந்திய அணி சற்றுமுன் வரை 6 விக்கெட் இழப்பிற்கு 217 ரன்கள் எடுத்துள்ளார். தீபக் சாஹரும், வாஷிங்டன் சுந்தரும் அதிரடியாக ஆடி வருகின்றனர். 

11/02/2022 16:30:33

ஸ்ரேயாஸ் அய்யர் 80 ரன்களில் அவுட்...! கடைசி கட்டத்தில் அதிரடியில் இறங்குமா இந்தியா?

இந்திய அணிக்காக சிறப்பான இன்னிங்ஸ் ஆடிய ஸ்ரேயாஸ் அய்யர் 80 ரன்களில் ஆட்டமிழந்தார். அவர் 111 பந்தில் 9 பவுண்டரிகளுடன் 80 ரன்கள் எடுத்தார். இந்திய அணி தற்போது வரை 38 ஓவர்களில் 189 ரன்கள் எடுத்துள்ளது. 

11/02/2022 16:13:46

வலுவான பார்ட்னர்ஷிப்பை அமைப்பார்களா ஸ்ரேயாஸ் - வாஷிங்டன் சுந்தர்..?

இந்திய அணிக்காக சிறப்பாக ஆடிய ரிஷப் பண்ட் 54 ரன்களில் ஆட்டமிழக்க, அடுத்து வந்த சூர்யகுமார் 6 ரன்களில் ஆட்டமிழக்க இந்திய அணி தற்போது வரை 5 விக்கெட் இழப்பிற்கு 169 ரன்களை குவித்து ஆடி வருகிறது. 

11/02/2022 15:46:29

ஸ்ரேயாஸ், ரிஷப் பண்ட் அரைசதம்...! 100 ரன்களை கடந்த பார்ட்னர்ஷிப்...!

மேற்கிந்திய தீவுகள் அணிக்கு எதிராக இக்கட்டான நேரத்தில் ஜோடி சேர்ந்த இந்திய பேட்ஸ்மேன்கள் ஸ்ரேயாஸ் அய்யர் - ரிஷப் பண்ட் ஜோடி சிறப்பாக ஆடி பார்ட்னர்ஷிப் 100 ரன்களை குவித்துள்ளது. ஸ்ரேயாஸ் அய்யர் மற்றும் ரிஷப் பண்ட் அரைசதம் அடித்துள்ளனர். 

11/02/2022 15:26:07

100 ரன்களை கடந்த இந்திய அணி : ஸ்ரேயாஸ் - ரிஷப் பண்ட் நிதான ஆட்டம்...!

மேற்கிந்திய தீவுகளுக்கு எதிராக ரோகித், விராட்கோலி மற்றும் ஷிகர்தவானை இழந்த இந்திய அணிக்காக ஜோடி சேர்ந்த ஸ்ரேயாஸ் அய்யர் - ரிஷப் பண்ட் ஜோடி பொறுப்பான ஆட்டத்தால் இந்திய அணி 100 ரன்களை கடந்துள்ளது. சற்றுமுன்வரை 23.3 ஓவர்களில் 103 ரன்களை எடுத்துள்ளது. ஸ்ரேயாஸ் 40 ரன்களுடனும், ரிஷப் பண்ட் 32 ரன்களுடனும் களத்தில் உள்ளனர். 

11/02/2022 15:07:51

ஸ்ரேயாஸ் அய்யர் - ரிஷப் பண்ட் கூட்டணி பொறுப்பான ஆட்டம்

3 விக்கெட்டுகளை இழந்த நிலையில் ஜோடி சேர்ந்த ஸ்ரேயாஸ் அய்யர் மற்றும் ரிஷப் பண்ட் கூட்டணி மிகவும் பொறுப்புடன் ஆடி வருகின்றனர். 

11/02/2022 14:20:05

10 ரன்களில் ஆட்டமிழந்த ஷிகர்தவான் : 3 விக்கெட்டுகளை இழந்து இந்தியா தடுமாற்றம்

ரோகித் சர்மா, விராட் கோலி ஆட்டமிழந்த நிலையில் இந்திய அணியின் தொடக்க வீரர் ஷிகர் தவானும் 10 ரன்களில் ஆட்டமிழந்தார். 

11/02/2022 14:16:39

ரோகித், விராட் காலி : 2 விக்கெட்டுகளை இழந்து தடுமாறும் இந்தியா

அகமாதாபாத்தில் நடைபெற்று வரும் மூன்றாவது ஒருநாள் கிரிக்கெட் போட்டியில் ரோகித் சர்மா 13 ரன்களுக்கும், விராட் கோலி டக் அவுட்டாகியும் வெளியேறினர். இந்திய அணி சற்றுமுன் வரை 9 ஓவர்களில் 42 ரன்களுடன் ஆடி வருகிறது.