IND vs WI, ODI LIVE: இந்தியாவின் பேட்டிங்கைத் தொடங்கிய தவான் - சுப்மன்கில்..!
IND vs WI, ODI Live: வெஸ்ட் இண்டீஸ் - இந்தியா மோதும் 2வது ஒருநாள் போட்டியின் ஸ்கோர் நிலவரங்களை உடனுக்குடன் கீழே காணலாம்.
வெஸ்ட் இண்டீஸ் நிர்ணயித்துள்ள 312 ரன்கள் இலக்கை நோக்கி இந்தியாவின் பேட்டிங்கை தவானும், சுப்மன்கில்லும் தொடங்கியுள்ளனர்.
வெஸ்ட் இண்டீஸ் அணி 50 ஓவர்கள் முடிவில் 6 விக்கெட் இழப்பிற்கு 311 ரன்களை எடுத்துள்ளது.
100வது போட்டியில் சதமடித்த ஷாய் ஹோப் 115 ரன்கள் எடுத்த நிலையில் ஆட்டத்தின் 49வது ஓவரில் ஷர்துல் தாக்கூர் பந்தில் அவுட்டானார்.
100வது ஒருநாள் போட்டியில் ஆடி வரும் ஷாய் ஹோப் பொறுப்புடன் ஆடி சதம் அடித்து அசத்தியுள்ளார். சர்வதேச அளவில் 100வது ஒருநாள் போட்டியில் சதம் அடித்த 10வது வீரர் என்ற சாதனையை படைத்துள்ளார்.
வெஸ்ட் இண்டீஸ் அணிக்காக அதிரடியாக ஆடி வந்த கேப்டன் நிகோலஸ் பூரண் 77 பந்தில் 1 பவுண்டரி 6 சிக்ஸருடன் 71 ரன்கள் எடுத்து ஷர்துல் தாக்கூர் பந்தில் போல்டானார்.
வெஸ்ட் இண்டீஸ் அணிக்காக அதிரடியாக ஆடி வரும் அந்த அணியின் கேப்டன் பூரண் சிக்ஸர்களாக விளாசி வருகிறார். அவர் இதுவரை 6 சிக்ஸர்களை இந்த போட்டியில் விளாசியுள்ளார்.
வெஸ்ட் இண்டீஸ் நிகோலஸ் பூரண் அதிரடியாக ஆடி அரைசதம் அடித்துள்ளார். அவர் 62 பந்துகளில் 4 சிக்ஸருடன் 51 ரன்களுடன் களத்தில் உள்ளார்.
வெஸ்ட் இண்டீஸ் அணி ஹோப் - பூரணின் சிறப்பான ஆட்டத்தால் 200 ரன்களை எட்டியுள்ளது.
வெஸ்ட் இண்டீஸ் அணியின் ஷாய் ஹோப்பின் சிறப்பான ஆட்டத்தால் அந்த அணி 30 ஓவர்களில் 165 ரன்கள் விளாசியுள்ளது.
வெஸ்ட் இண்டீஸ் அணி அடுத்தடுத்து மூன்று விக்கெட்டுகளை இழந்ததால் அந்த அணியை சரிவில் இருந்து மீட்க வேண்டிய பொறுப்புடன் ஆட வேண்டிய சூழலில் கேப்டன் பூரண் - ஷாய்ஹோப் உள்ளனர்.
வந்த வேகத்தில் நடையைக் கட்டிய கிங். மூன்றாவது விக்கெட்டுக்கு களமிறங்கிய பிரெண்டென் கிங், சஹால் பந்து வீச்சில் டக் அவுட்டாகி பெலிவியன் திரும்பினார். வெஸ்ட் இண்டீஸ் அணி தற்போது 130/3 என்ற நிலையில் ஆடிக்கொண்டு உள்ளது.
நிதானமாகி ஆடி வந்த வெஸ்ட் இண்டீஸ் அணியின் ஷர்மர்த் பூர்க்ஸ் அக்ஸர் பட்டேல் சுழலில் அவுட் ஆகியுள்ளார். அவர் 36 பந்துகளில் 5 ஃபோர் உட்பட 35 ரன்கள் அடித்திருந்தார். மூன்றாவது விக்கெட்டுக்கு பிரெண்டன் கிங் களமிறங்கியுள்ளார்
வெஸ்ட் இண்டீஸ் அணியின் தொடக்க ஆட்டக்காரர் ஹோப் அரைசதம் அடித்துள்ளார். 69 பந்துகளில் 5 ஃபோர், ஒரு கிஅஸ் உட்பட 51 ரன்கள் விளாசியுள்ளார்.
19 ஓவர்களுக்கு 110 ரன்கள் வெஸ்ட் இண்டீஸ் அணி அடித்துள்ளது. இந்திய அணி சிறப்பாக பந்து வீசி வருகிறார்கள்.
17 ஓவர்களில் வெஸ்ட் இண்டீஸ் அணி 101 ரன்களை 1 விக்கெட் இழப்பிற்கு எடுத்துள்ளது. அந்த அணியின் ஹோப் 40 ரன்களுடனும், ப்ரூக்ஸ் 20 ரன்களுடனும் களத்தில் உள்ளனர்.
வெஸ்ட் இண்டீஸ் அணிக்கு நிதான தொடக்கம் அளித்து வந்த மேயர்ஸ் - ஷாய் ஹோப் ஜோடியை தீபக்ஹூடா பிரித்தார். அதிரடியாக ஆடிய கைல் மேயர்ஸ் தீபக்ஹூடா சுழலில் சிக்கி 31 ரன்களில் அவுட்டானார்.
இந்திய அணிக்கு எதிராக முதலில் பேட்டிங் செய்து வரும் வெஸ்ட் இண்டீஸ் அணி தற்போது வரை விக்கெட் இழப்பின்றி 6 ஓவர்களில் 45 ரன்கள் எடுத்துள்ளது.
இரண்டாவது ஒருநாள் போட்டியிலும் டாஸ் வென்ற வெஸ்ட் இணடீஸ் கேப்டன் பூரண் பேட்டிங்கைத் தேர்வு செய்துள்ளார்.
வெஸ்ட் இண்டீஸ் அணிக்கு எதிரான இன்றைய போட்டியில் இந்திய அணிக்காக அறிமுக வீரராக பந்துவீச்சாளர் ஆவேஷ்கான் அறிமுகமாகிறார்.
Background
வெஸ்ட் இண்டீஸ் அணிக்கு எதிரான ஒருநாள் மற்றும் டி20 போட்டிகளில் ஆடுவதற்காக இந்திய அணி அந்த நாட்டில் சுற்றுப்பயணம் மேற்கொண்டு ஆடி வருகிறது. தற்போது நடைபெற்று வரும் ஒருநாள் போட்டித் தொடரில் ஷிகர்தவான் தலைமையிலான இந்திய அணி விளையாடி வருகிறது.
டிரினிடாட் நகரில் நடைபெற்ற முதல் போட்டியில் இந்திய அணி 3 ரன்கள் வித்தியாசத்தில் த்ரில் வெற்றி பெற்றது. இந்த நிலையில், இரு அணிகளும் மோதும் இரண்டாவது ஒருநாள் கிரிக்கெட் போட்டி இன்று டிரினிடாட் நகரின் போர்ட் ஆப் ஸ்பெயின் நகரில் உள்ள குயின்ஸ் பார்க் ஓவல் மைதானத்தில் நடைபெற உள்ளது.
இந்திய அணியைப் பொறுத்தமட்டில் இன்றைய போட்டியில் வெற்றி பெற்று தொடரை கைப்பற்ற முனைப்பு காட்டும். கடந்த போட்டியில் இந்திய கேப்டன் ஷிகர்தவான், தொடக்க வீரர் சுப்மன்கில் அபாரமான தொடக்கத்தை அளித்தனர். துணைகேப்டனாக பொறுப்பு ஏற்றுள்ள ஸ்ரேயஸ் அய்யரும் அசத்தலான பேட்டிங்கை வெளிப்படுத்தினார். அவர்கள் இன்றைய போட்டியிலும் பேட்டிங்கில் அசத்தினால் இந்தியாவுக்கு பலமாகும். கடந்த போட்டியில் இந்திய அணியின் மிடில் வரிசை ஆட்டக்காரர்கள்தான் சொதப்பலான பேட்டிங்கை வெளிப்படுத்தினர்.
வெஸ்ட் இண்டீஸ் அணியின் பேட்டிங்கும் இந்தியாவிற்கு எந்தவிதத்திலும் சளைத்தவர்கள் என்பதை கடந்த போட்டியிலே நிரூபித்தனர். அந்த அணியின் ஷாய் ஹோப் நன்றாக விளையாட வேண்டியது அவசியம். கடந்த போட்டியில் அசத்திய கைல் மேயர்ஸ், ப்ரூக்ஸ் இன்றைய போட்டியிலும் மிரட்டலான ஆட்டத்தை வெளிப்படுத்தினால் இந்தியாவிற்கு அச்சுறுத்தல் ஆகும். ப்ரண்டன் கிங், கேப்டன் பூரண் அதிரடி காட்டினால் அந்த அணி மிகப்பெரிய ஸ்கோரை எட்டும்.
கடந்த போட்டியில் அந்த அணியின் 8வது வரிசை வீரரான ஷெப்பர்ட் வரை பேட்டிங்கில் அதிரடி காட்டினர். இது வெஸ்ட் இண்டீஸ் அணிக்கு மிகப்பெரிய பலமாகும். கடந்த போட்டியில் சொதப்பிய ஹோப் மற்றும் பாவெல் இந்த போட்டியில் பேட்டிங்கில் கலக்கின் வெஸ்ட் இண்டீஸ் அணிக்கு பலமாகும். இரு அணிகளைப் பொறுத்தவரையிலும் பந்துவீச்சு மிகவும் பலவீனமாக உள்ளது.
கடந்த போட்டியில் இந்தியாவின் முகமது சிராஜ், பிரசித்கிருஷ்ணா, ஷர்துல் தாக்கூர், அக்ஷர் படேல் என அனைவரும் ரன்களை வாரி வழங்கினர். வெஸ்ட் இண்டீஸ் அணியில் அல்ஜாரி ஜோசப், சீல்ஸ், ஷெப்பர்ட்ஸ, மோட்டி, ஹொசைன் ஆகியோரும் ரன்களை வாரி வழங்கினர். இதனால், இன்றைய போட்டியில் இரு அணிகளும் பந்துவீச்சில் தங்களது பலத்தை நிரூபிக்க வேண்டிய கட்டாயத்தில் உள்ளனர்.
இன்றைய போட்டியில் வெற்றி பெற்று தொடரை கைப்பற்ற இந்தியாவும், தொடரை விட்டுக்கொடுக்கமால் இருக்க இன்றைய போட்டியில் வெற்றி பெற வெஸ்ட் இண்டீஸ் அணியும் முனைப்பு காட்டும் என்பதால் இந்த போட்டி விறுவிறுப்பாக இருக்கும் என்பதில் சந்தேகம் இல்லை.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
- - - - - - - - - Advertisement - - - - - - - - -