முடிவுக்கு வந்த திருமண வாழ்க்கை:
இந்திய அணியின் நட்சத்திர ஆல்ரவுண்டர் ஹர்திக் பாண்டியாவும், செர்பியாவைச் சேர்ந்த நடிகை நடாஷா ஸ்டான்கோவிக் கடந்த 2020 ஆம் ஆண்டு காதல் திருமணம் செய்து கொண்டனர். அதன்பின் இவர்களுக்கு 2020ஆம் ஆண்டு ஜூலை 30ஆம் தேதி ஆண் குழந்தை பிறந்தது. இந்த குழந்தைக்கு அகஸ்தியா என்று பெயர் சூட்டினார்கள்.
இச்சூழலில் தான் இருவரும் சந்தோசமாக வாழ்ந்து கொண்டிருந்த போது இருவருக்கும் கருத்து வேறுபாடு நிலவுவதாகவும் விரைவில் பிரிய உள்ளதாகவும் தகவல்கள் வெளியாகின. அதற்கேற்றார் போல் நடாஷாவும் ஹர்திக் விளையாடிய ஐபிஎல் மற்றும் டி20 போட்டிகளை நேரில் பார்க்க வரவில்லை. அதேபோல் ஹர்திக் பாண்டியாவுடன் இருக்கும் புகைப்படங்களையும் சமூக வலைதள பக்கங்களில் இருந்து நீக்கினார் நடாஷா. இச்சூழலில் தான் இருவரும் அதிகாரப்பூர்வமாக தங்களது விவாகரத்தை அறிவித்துள்ளனர்.
ஹர்திக் பாண்டியா - நடாஷா ஜோடி பிரிந்தது:
அதில், "4 ஆண்டுகள் குடும்ப வாழ்க்கைக்கு பின், நானும் நடாஷாவும் பரஸ்பரமாக பிரிந்து செல்ல முடிவு செய்துள்ளோம். இருவருமே இணைந்திருப்பதற்கான அனைத்து முயற்சிகளை செய்தோம். ஆனால் தற்போது இருவருக்குமே பிரிவதே சிறந்த முடிவு என்று புரிகிறது. எங்களோ இருவரும் இது கடினமான முடிவு தான்.
இந்த 4 ஆண்டுகளில் எங்கள் இடையில் இருந்த மகிழ்ச்சி, மரியாதை உள்ளிட்டவற்றை கருத்தில் கொண்டு இந்த முடிவை எடுத்துள்ளோம். நாங்கள் இருவரும் மகன் அகஸ்தியாவால் ஆசீர்வதிக்கப்பட்டோம். எங்கள் வாழ்க்கையின் முக்கிய அங்கமாக அகஸ்திரியா இருப்பார். அவரின் மகிழ்ச்சிக்காக அனைத்தையும் நாங்கள் வழங்க உறுதியாக இருக்கிறோம். இந்த கடினமான நேரத்தில் எங்களின் தனியுரிமையை மதித்து, ஆதரவை அளிக்க வேண்டும்" என்று கூறியுள்ளனர்.