இந்த ஆண்டு இந்திய கிரிக்கெட் அணி அட்டவணை அடிப்படையில் மிக பிஸியாக இருக்கும். 2024 பிறந்து இந்த புதிய ஆண்டில் பலம் மிக்க தென்னாப்பிரிக்கா அணியை இரண்டாவது டெஸ்டில் தோற்கடித்த இந்திய அணி, ஆப்கானிஸ்தான் அணியை சொந்த மண்ணில் நடந்த மூன்று போட்டிகள் கொண்ட டி20 தொடரில் ஒயிட்வாஷ் செய்தது.


இப்போது இந்திய அணி, இங்கிலாந்து அணிக்கு எதிராக சவாலை எதிர்கொள்கிறது. இந்திய அணி இப்போது இங்கிலாந்துக்கு எதிராக சொந்த மண்ணில் ஐந்து போட்டிகள் கொண்ட டெஸ்ட் தொடரில் விளையாடுகிறது. இந்தத் தொடர் தொடர்பான அனைத்து விவரங்களையும் இங்கே தெரிந்து கொள்ளுங்கள். 


அடுத்த இரண்டு மாதங்களுக்கு டெஸ்ட் தொடர்: 


இந்தியா - இங்கிலாந்து அணிகள் மோதும் முதல் டெஸ்ட் போட்டி ஹைதராபாத்தில் ஜனவரி 25 முதல் 29 வரை நடக்கிறது. இதைத் தொடர்ந்து, இரண்டாவது டெஸ்ட் போட்டி விசாகப்பட்டினத்தில் பிப்ரவரி 2 முதல் 6 வரையிலும், மூன்றாவது டெஸ்ட் போட்டி பிப்ரவரி 15 முதல் 19 வரை ராஜ்கோட்டிலும் நடைபெறும். தொடரின் கடைசி இரண்டு டெஸ்ட் போட்டிகள் ராஞ்சி மற்றும் தரம்சாலாவில் நடக்கின்றன. ராஞ்சி டெஸ்ட் பிப்ரவரி 23 முதல் 27 வரையிலும், தர்மசாலா டெஸ்ட் மார்ச் 7 முதல் 11 வரையிலும் நடைபெறவுள்ளது. 


இந்தியாவுக்கு எதிரான ஐந்து போட்டிகள் கொண்ட டெஸ்ட் தொடருக்கான தனது அணியை இங்கிலாந்து வாரியம் அறிவித்துள்ளது, ஆனால் இந்திய கிரிக்கெட் வாரியம் இதுவரை இரண்டு டெஸ்ட் போட்டிகளுக்கு மட்டுமே தனது அணியை அறிவித்துள்ளது. டெஸ்ட் தொடரின் முதல் இரண்டு டெஸ்ட் போட்டிகளிலும் பல இளம் வீரர்களுக்கு வாய்ப்பு அளிக்கப்பட்டுள்ளது. 


முதல் இரண்டு டெஸ்ட் போட்டிகளுக்கான இந்திய அணி:


ரோஹித் சர்மா (கேப்டன்), சுப்மன் கில், யஷஸ்வி ஜெய்ஸ்வால், விராட் கோலி, ஷ்ரேயாஸ் ஐயர், கே.எல். ராகுல் விக்கெட் கீப்பர்), கே.எஸ்.பாரத் (விக்கெட் கீப்பர்), துருவ் ஜூரல் (விக்கெட் கீப்பர்), ரவிச்சந்திரன் அஷ்வின், ரவீந்திர ஜடேஜா, அக்சர் படேல், குல்தீப் யாதவ், முகமது சிராஜ், முகேஷ் குமார், ஜஸ்பிரித் பும்ரா (துணை கேப்டன்), அவேஷ் கான். 


இந்தியாவுக்கு எதிரான 5 போட்டிகள் கொண்ட டெஸ்ட் தொடருக்கான இங்கிலாந்து அணி:


பென் ஸ்டோக்ஸ் (கேப்டன்), ரெஹான் அகமது, ஜேம்ஸ் ஆண்டர்சன், கஸ் அட்கின்சன், ஜானி பேர்ஸ்டோ (விக்கெட் கீப்பர்), ஷோயப் பஷீர், ஹாரி புரூக், ஜாக் கிராலி, பென் டக்கெட், பென் ஃபாக்ஸ் (விக்கெட் கீப்பர்) ), டாம் ஹார்ட்லி, ஜாக் லீச், ஒல்லி போப், ஒல்லி ராபின்சன், ஜோ ரூட் மற்றும் மார்க் வூட். 


இந்தியா-இங்கிலாந்து டெஸ்ட் தொடரின் முழுமையான அட்டவணை: 



  1. முதல் டெஸ்ட்: இந்தியா vs இங்கிலாந்து, ஜனவரி 25-29, ஹைதராபாத் (ராஜீவ் காந்தி சர்வதேச ஸ்டேடியம்)

  2. இரண்டாவது டெஸ்ட்: இந்தியா vs இங்கிலாந்து, பிப்ரவரி 2-6, விசாகப்பட்டினம் (டாக்டர் ஒய்.எஸ். ராஜசேகர் கிரிக்கெட் ஸ்டேடியம்)

  3. மூன்றாவது டெஸ்ட்: இந்தியா vs இங்கிலாந்து, பிப்ரவரி 15- பிப்ரவரி 19, ராஜ்கோட் (சௌராஷ்டிரா கிரிக்கெட் அசோசியேஷன் ஸ்டேடியம்)

  4. நான்காவது டெஸ்ட்: இந்தியா vs இங்கிலாந்து, பிப்ரவரி 23-27, ராஞ்சி (JSCA சர்வதேச ஸ்டேடியம்)

  5. ஐந்தாவது டெஸ்ட்: இந்தியா vs இங்கிலாந்து, மார்ச் 7-11, தர்மஷாலா (ஹிமாச்சல பிரதேச கிரிக்கெட் சங்க மைதானம்)