குத்தாலம் கொழையூரில் அமைந்துள்ள பழமைவாய்ந்த பிரசித்தி பெற்ற சுப்பிரமணியசுவாமி திருக்கோயிலில் 15 ஆண்டுகளுக்கு பிறகு மகா கும்பாபிஷேகம் வெகு விமர்சையாக நடைபெற்றுள்ளது.
வள்ளி தெய்வானை உடனுறை சுப்பிரமணியசுவாமி திருக்கோயில்
மயிலாடுதுறை மாவட்டம் குத்தாலம் அருகே கொழையூர் கிராமத்தில் மிகவும் பழமை வாய்ந்த பிரசித்தி பெற்ற ஸ்ரீ வள்ளி தெய்வானை உடனுறை ஸ்ரீ சுப்பிரமணிய சுவாமி திருக்கோயில் அமைந்துள்ளது. இவ்வாலயமானது புகழ் பெற்ற திருக்கடையூர் அமிர்தகடேஸ்வரர் ஆலயத்தில் காலசம்ஹாரம் நடந்து முடிந்த பிறகு பரிபூரண ஆயில் பெற்ற மார்க்கண்டேயன் வழிபட்ட ஆறு தளங்களில் இத்தலமும் ஒன்றாகும்.
யோகா எனும் விஞ்ஞானமும் கலாச்சாரமும்.. மனிதகுலத்திற்கு பாரதத்தின் கொடை : சத்குரு சிறப்பு கட்டுரை
கணபதி ஹோமத்துடன் தொடங்கிய யாகசாலை பூஜைகள்
இக்கோயிலில் குடமுழுக்கு செய்ய அப்பகுதி பக்தர்கள் முடிவெடுத்து அதற்கான பூர்வாங்க பணிகளை செய்து வந்தனர். அதனைத் தொடர்ந்து திருப்பணிகள் தொடர்பான அனைத்து பணிகளும் நிறைவடைந்த நிலையில் கும்பாபிஷேகம் விழாவிற்கு நாள் குறித்தனர். அதனை அடுத்து 15 ஆண்டுகளுக்கு பிறகு வெகு விமர்சையாக மஹா கும்பாபிஷேகம் இன்று நடைபெற்றது. தொடர்ந்து கடந்த 17 -ஆம் தேதி கணபதி ஹோமத்துடன் முதல்கால யாகசாலை பூஜைகள் துவங்கிய நடைபெற்ற வந்த நிலையில் இன்று காலை நான்காம் கால யாகசாலை பூஜைகள் நிறைவுற்றது. மஹா பூர்ணாகுதி செய்யப்பட்டு தீபாராதனை காண்பிக்கப்பட்டது.
புனிதநீர் அடங்கிய கடம் புறப்பாடு
மேலும் யாகசாலையில் வைத்து பூஜிக்கப்பட்ட புனித நீர் அடங்கிய கடங்களை மேளதாள மங்கள வாத்தியங்கள் முழங்க சிவாச்சாரியார் தலையில் சுமந்து கோயிலை ஊர்வலமாக எடுத்து வந்து கோபுர உச்சியை வந்தடைந்தனர். பின்னர் கோபுர கலசங்களுக்கு சிவாச்சாரியார்கள் வேத மந்திரங்கள் ஓத புனித நீர் ஊற்றப்பட்டு மஹா கும்பாபிஷேகம் வெகு விமர்சையாக நடைபெற்றது. இதில் மயிலாடுதுறை மாவட்டத்தை சேர்ந்த திரளான பக்தர்கள் பங்கேற்று சுவாமி தரிசனம் செய்தனர்.