கடம்பவனத்துப் பேரரசி மீனாட்சி, மதுரையின் பெருமைக்கு காரணமாக விளங்குகிறாள். ‘ஏறிய சிவிகை இறங்காத பெருமாட்டி’ என்றே மீனாட்சியை பெருமை கொள்வர். சித்திரை மாதமே போற்றும் மீனாட்சியின், அருள்மிகு மீனாட்சி சுந்தரேசுவரர் திருக்கோயிலில் தேவரப்பாடல் பெற்ற பாண்டிய நாட்டு தலங்களில் முதலாவது தலமாகும். இப்படி பல்வேறு பெருமைகளை தாங்கி நிற்கும் மீனாட்சியம்மன் கோயிலை மையமாக வைத்தே மாமதுரை நிர்மாணிக்கப்படுகிறது. தமிழ் மாதங்களில் வழியே பல்வேறு திருவிழா முன்னெடுக்கப்படும். இந்நிலையில் மீனாட்சியம்மன் கோயிலில் சாமி தரிசனம் செய்வதற்காக பக்தர்கள் குவிந்தனர்.
பள்ளி தேர்வு விடுமுறை புத்தாண்டு விடுமுறை என தொடர் விடுமுறை தினங்களை முன்னிட்டும், ஐயப்ப பக்தர்கள், ஆதிபராசக்தி பக்தர்கள் மாலை அணியும் மாதம் என்பதாலும் உலகப் பிரசித்தி பெற்ற மீனாட்சி சுந்தரேஸ்வரர் கோவிலுக்கு சாமி தரிசனம் செய்வதற்காக வருகைதரும் பக்தர்களின் கூட்டம் அதிகரித்துவருகிறது. கோயிலுக்கு நாள் ஒன்றுக்கு சராசரியாக 3ஆயிரம் பக்தர்கள் வரக்கூடிய நிலையில் தற்போது அம்மன் சன்னதி , தெற்கு கோபுரம் , மேற்கு கோபுரம் வடக்கு கோபுரம் என நான்கு வழியாகவம் பக்தர்களுடைய எண்ணிக்கை அதிகரித்து 10ஆயிரம் பக்தர்கள் அளவிற்கு வரக்கூடிய நிலை ஏற்பட்டுள்ளது.
கோயிலுக்கு ஐயப்ப பக்தர்கள் ஆதிபராசக்தி பக்தர்கள் பள்ளி மாணவ மாணவிகள் சுற்றுலா பயணிகள் வெளிமாநிலத்தவர்கள் , வெளிநாட்டு சுற்றுலா பயணிகள் என பல்வேறு பகுதிகளிலிருந்து தொடர்ந்து வருகை தந்தனர். இதனால் பக்தர்கள் நீண்ட வரிசையில் காத்திருப்பதால் சுமார் இரண்டு மணி நேரம் காத்திருந்து சுவாமி தரிசனம் செய்து வருகின்றனர்
மார்கழி மாதத்தை முன்னிட்டு பிற்பகலில் நடை 12 மணிக்கு சாத்தப்பட்டு மீண்டும் 3.30 மணி அளவில் நடை திறக்கப்பட்டு பக்தர்கள் சுவாமி தரிசனத்திற்கு அனுமதிக்கப்பட்டு வரக்கூடிய நிலையில் வடக்கு கோபுரத்தின் வழியாக பக்தர்கள் செல்லக்கூடிய எண்ணிக்கை குறைவாகவும் , அம்மன் சன்னதி மற்றும் தெற்கு கோபுரங்கள் வழியாக சுற்றுலா பயணிகள் பள்ளி மாணவ மாணவிகள் தரிசனத்திற்கு சென்றுவருவதால் நெரிசல் ஏற்பட்டுவருகிறது. ரயில் நிலையங்களில் இருந்து வரக்கூடிய பயணிகள் மற்றும் சுற்றுலா பயணிகள் பக்தர்கள் என மேற்கு கோபுரம் வாயிலாக வரக்கூடிய நிலையில் புத்தாண்டு பொங்கல் வரை பக்தர்களின் கூட்டம் அதிகரிக்கும் என எதிர்பார்க்கப்படுகிறது. இந்த நிலையில் கோயிலை சுற்றி பாதுகாப்பை அதிகரிக்க வேண்டும் என்பது பக்தர்களின கோரிக்கையாக உள்ளது. மேலும் பக்தர்கள் அதிகமாக வருவதால் கழிவறை, குடிநீர் உள்ளிட்ட அடிப்படை வசதிகளை மேம்படுத்தி தர வேண்டும் எனவும் பக்தர்கள் கோரிக்கை விடுத்துள்ளனர்.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்