MK Stalin : ஆசிய கோப்பையை வென்ற ஹாக்கி அணிக்கு கோடி ரூபாய் பரிசு தொகையை அறிவித்த தமிழக முதல்வர் ஸ்டாலின்!

6 அணிகள் பங்கேற்ற 7வது ஆசிய ஹாக்கி சாம்பியன்ஸ் தொடர் சென்னையில் நேற்று முன்தினம் நடந்து முடிந்தது.

இந்த தொடரில் இந்திய அணி தோல்வியை சந்திக்காமல் இறுதிப்போட்டி வரை சென்று அங்கேயும் மலேசியா அணியை 4-3 என்ற கோல் கணக்கில் வென்றது.

இந்திய அணியின் வெற்றியை தொடர்ந்து பல பிரபலங்கள் மற்றும் அரசியல் தலைவர்கள் இந்திய ஹாக்கி அணிக்கு வாழ்த்துகளை தெரிவித்து வருகின்றனர்.

இந்த வெற்றியின் மூலம் உலக ஹாக்கி அணிகளின் புதிய தரவரிசை பட்டியலில் இந்திய அணி இங்கிலாந்தை பின்னுக்கு தள்ளி மூன்றாவது இடத்திற்கு முன்னேறியுள்ளது.

இதனை தொடர்ந்து தமிழ்நாடு முதலமைச்சர் மு.க ஸ்டாலின் இந்திய ஹாக்கி அணிக்கு பரிசு தொகை அறிவித்துள்ளார்.

ஆசிய கோப்பையை இந்தியாவிற்கு வென்று தந்த வீரர்களுக்கு தலா 5 லட்சமும் , பயிற்சியாளர்கள் மற்றும் இதர பணியாளர்களுக்கு தலா 2.50 லட்சமும் என மொத்தம் 1.10 கோடி ரூபாய் பரிசு தொகை அறிவிக்கப்பட்டுள்ளது.