M.S.Dhoni : அடுத்த ஆண்டிலும் சி.எஸ்.கேவிற்காக விளையாடுவாரா தோனி..ரெய்னா கூறியது என்ன?

ஐ.பி.எலில் சி.எஸ்.கே அணியின் அசைக்க முடியாத தூணாக விளங்குபவர் எம்.எஸ்.தோனி. புதிய சீசனுக்கான பயிற்சியை தோனி ஏற்கனவே தொடங்கிவிட்டதால், மீண்டும் ஒருமுறை சென்னை சேப்பாக்கம் மைதானத்தில் அவர் விளையாடுவதை ரசிகர்கள் பார்க்க ஆவலாக உள்ளனர்.

வரும் மார்ச் 31 அன்று தொடங்கவிருக்கும் ஐ.பி.எல்தான் அவருக்கு கடைசி ஐ.பி.எல் எனவும், அவர் இந்த ஐ.பி.எல் உடன் ஓய்வு பெற்று விடுவார் என்றும் கூறிவந்தனர்.

தற்போது இது குறித்து சி.எஸ்.கே அணியின் முன்னாள் நட்சத்திர வீரரான சுரேஷ் ரெய்னா பேசியுள்ளார். அவர், “ முன்னாள் இந்திய அணியின் கேப்டனான எம்.எஸ்.தோனி, 2024 ஐ.பி.எல்-லிலும் பங்கேற்ப்பார் என்று தான் நம்புவதாகவும் அவர் 2024 ஐ.பி.எல் விளையாடுவதற்கான வாய்ப்புகள் அதிகமாக இருப்பாதாகவும்” கூறியுள்ளார்.

தோனி ஃபிட் ஆக இருப்பதாகவும் அவர் இந்த வருட ஐ.பி.எலில் விளையாடுவதை பொறுத்துதான் அடுத்த ஆண்டில், இவர் ஐ.பி.எலில் பங்கேற்பாரா இல்லையா என்று தெரிய வரும் - ரெய்னா

இத்தோடு அவர் தோனியுடன் நல்ல தொடர்பில் இருப்பதாகவும் கூறியுள்ளார்.