KKR vs DC : கொல்கத்தாவின் பவுலிங்கில் சிக்கி தவித்த டெல்லி..106 ரன்கள் வித்தியாசத்தில் வெற்றியை தட்டி சென்ற கொல்கத்தா!

ஐ.பி.எல் 2024இன் 16வது லீக் போட்டியில் கொல்கத்தா நைட்ரைடஸ் மற்றும் டெல்லி கேப்பிடல்ஸ் அணிகள் மோதின.

விசாகப்பட்டினத்தில் நடைபெற்ற இப்போட்டியில் டாஸ் வென்ற கொல்கத்தா அணி, பேட்டிங் செய்ய முடிவு செய்தது.

தொடக்கம் முதலே ஆதிக்கம் செலுத்திய கொல்கத்தா அணி 20 ஓவர்கள் முடிவில் 7 விக்கெட்டுகளை இழந்து 272 ரன்கள் சேர்த்தது. சுனில் நரைன் 39 பந்துகளில் 85 ரன்களை குவித்தார்.

273 ரன்கள் என்ற பெரிய இலக்குடன் களமிறங்கிய டெல்லி அணி, தொடக்கம் முதலே தடுமாறியது.

பொறுப்பாக விளையாடி வந்த ரிஷப் பண்ட் தனது விக்கெட்டை இழக்கவே, 17.1 ஓவர்களில் அனைத்து விக்கெட்டுகளையும் இழந்து 166 ரன்கள் மட்டும் எடுத்து 106 ரன்கள் வித்தியாசத்தில் தோல்வியைத் தழுவியது.

இந்த வெற்றியின் மூலம் விளையாடிய மூன்று போட்டிகளிலும் வென்று புள்ளிப்பட்டியலில் முதல் இடத்திற்கு முன்னேரியது கொல்கத்தா அணி.