IPL 2023 : புதிய இம்பேக்ட் ப்ளேயர் ரூல் என்றால் என்ன? தெளிவான விளக்கம் இதோ!

இந்த வருட ஐ.பி.எலில் சில புதிய விதிகள் இணைக்கப்பட்டுள்ளது. அதில் முக்கியமானது இம்பேக்ட் ப்ளேயர் ரூல் பற்றி இங்கு காணலாம்.

ஐபிஎல் ஹம்பயர்

ஐ.பி.எல் 2023 கடந்த 31 ஆம் தேதி கோலகலமாக தொடங்கியது. இந்த வருட ஐ.பி.எல் இல் சில புதிய விதிகள் இணைக்கப்பட்டுள்ளது. அதில் முக்கியமானது இம்பேக்ட் ப்ளேயர் ரூல்.

இம்பேக்ட் ப்ளேயர் விதி மூலம் ஒரு அணி, தன் 11 வீரர்கள் கொண்ட அணியில் இருந்து ஒருவரை எப்போது வேண்டுமானாலும் நீக்கி மாற்று வீரரை(Substitute)அணியினுள் கொண்டு வரலாம்.

அணியில் ஏற்கனவே நான்கு அயல்நாட்டு வீரர்கள் இருக்கும் பட்சத்தில் இம்பேக்ட் ப்ளேயராக மேலும் ஒரு அயல்நாட்டு வீரரை சேர்க்க இயலாது.

சமர்ப்பிக்கப்பட்ட ப்ளேயிங் 11 இல் மூன்று அயல்நாட்டு வீரர்கள் இருக்கும் போது மாற்று வீரராக இம்பேக்ட் ப்ளேயராக வருபவர் இந்திய வீரராகவோ அயல்நாட்டு வீரராகவோ இருக்கலாம்.

மேலும், இதுவரை அணிகள் தனது 11 வீரர்கள் கொண்ட பெயர் பட்டியலை டாஸ் போடுவதற்கு முன் சமர்பிக்க வேண்டியிருந்தது. ஆனால் தற்போது டாஸிர்க்கு ஏற்றவாறு அணிகள் தனது ப்ளேயிங் 11 ஐ தேர்வு செய்து கொள்ளலாம் என்றும் தெரிவிக்கப்பட்டுள்ளது.

Continues below advertisement

இந்த விதிகள் மூலம் ஐ.பி.எல் ஆட்டங்களில் டாஸின் தாக்கம் குறையும் என்று கூறப்படுகிறது.