CSK vs RR IPL 2023 : ஹோம் க்ரவுண்டில் விளையாடி ஆட்டத்தை இழந்த சிங்கங்கள்..சோகத்தில் சி.எஸ்.கே ரசிகர்கள்!

சென்னை சேப்பாக்கத்தில் உள்ள எம்.ஏ. சிதம்பரம் மைதானத்தில் சென்னை சூப்பர் கிங்ஸ், ராஜஸ்தான் ராயல்ஸ் அணிகள் நேற்று இரவு 7 மணிக்கு மோதினர்.

ஐபிஎல் தொடரில் இரு அணிகளும் இதுவரை 26 முறை நேருக்கு நேர் மோதியுள்ளன. அதில், சென்னை அணி 15 முறையும், ராஜஸ்தான் 11 முறையும் வெற்றி கண்டுள்ளது.

சென்னை சேப்பாக்கம் மைதானத்தில் இரு அணிகளும் 7 முறை மோதியுள்ளது. அதில், சென்னை அணி 6 முறையும், ராஜஸ்தான் ஒரு முறை வெற்றி பெற்றுள்ளது.

இதுவரை சென்னை-ராஜஸ்தான் மோதிய ஆட்டங்களில், முதலில் பேட்டிங்கை தேர்வு செய்து சென்னை அணி, 8 முறையும் ராஜஸ்தான் அணி 7 முறையும் வெற்றி பெற்றுள்ளது.

இந்தாண்டில் சென்னை சூப்பர் கிங்ஸ் அணிக்கு எம்.எஸ். தோனியும், ராஜஸ்தான் ராயல்ஸ் அணிக்கு சஞ்சு சாம்சனும் தலைமை தாங்குகின்றனர்.

நேற்று சென்னை அணி, அதன் ஹோம் க்ரவுண்டில் விளையாடினாலும் ஆட்டத்தை இழந்தது. இதனால் சி.எஸ்.கே அணியின் ரசிகர்கள் சோகத்தில் உள்ளனர்.