CSK vs DC: ”இன்னும் ஆட்டம் முடியல” - தோனி ஸ்டைலில் ஒரு ஃபினிஷிங், கோப்பை நெருங்கும் சிஎஸ்கே

துபாய் மைதானத்தில் நடைபெற்ற ஐபிஎல் 2021 குவாலிஃபையர் 1 போட்டியில் சென்னை சூப்பர் கிங்ஸ், டெல்லி கேப்பிடல் அணிகள் மோதின. டாஸ் வென்ற சென்னை சூப்பர் கிங்ஸ், பெளலிங் தேர்வு செய்தது.

நிதானமாக தொடங்கிய டெல்லி அணிக்கு, ப்ரித்வி ஷா சிறப்பான ஓப்பனிங் தந்தார். மிகவும் எதிர்ப்பார்க்கப்பட்ட தவான் 7 ரன்களுக்கு அவுட்டாகி வெளியேறினார்.

ஸ்ரேயாஸ், அக்சர் பட்டேல் ஆகியோரும் சொர்ப்ப ரன்களுக்கு ஆட்டமிழக்க, பண்ட் & ஹெட்மேயர் இணை அணியின் ஸ்கோரை உயர்த்தியது. 20 ஓவர் முடிவில் 5 விக்கெட் இழப்பிற்கு 172 ரன்கள் எடுத்தது டெல்லி அணி.

சேஸிங் களமிறங்கிய சென்னை அணிக்கு, முதல் ஓவரிலேயே அதிர்ச்சி காத்திருந்தது. நார்ட்ஜே வீசிய முதல் ஓவரில் டுப்ளெஸி பவுல்டாகி வெளியேறினார். அவரை அடுத்து களமிறங்கிய உத்தப்பா, ருதுராஜ் அணி 100 ரன்களுக்கு பார்ட்னர்ஷிப் நின்றது.

உத்தப்பாவை தொடர்ந்து களமிறங்கிய ஷர்துல் டக்-அவுட்டாக அவரை அடுத்து பேட்டிங் வந்த ராயுடுவும் சோபிக்கவில்லை. மொயின் அலியும் 16 ரன்களுக்கு வெளியேறியதால், ஏழாவது பேட்டராக தோனி களமிறங்கினார்.

19-வது ஓவரில் ருதுராஜ் அவுட்டாக, ஃபினிஷிங் பொருப்பை ஏற்றுக்கொண்டு தோனியுடன் சேர்ந்து பேட்டிங் ஆடினார் ஜடேஜா. விறுவிறுப்பாக சென்ற இந்த ஆட்டத்தில், கடைசி பந்தில் பவுண்டரி அடித்து சென்னையின் வெற்றியை உறுதி செய்தார் கேப்டன் தோனி.

இதன் மூலம், 2021 ஐபிஎல் தொடரில் முதல் அணியாக இறுதிப்போட்டிக்கு தகுதி பெற்று அசத்தியுள்ளது சென்னை அணி. ஐபிஎல் வரலாற்றில், 9வது முறையாக இறுதிப்போட்டிக்கு முன்னேறி சென்னை அணி புதிய ரெக்கார்டை தன்வசப்படுத்தியுள்ளது.

தி கிங் இஸ் பேக்.. : விராட் கோலி முதல் லோகேஷ் கனகராஜ் வரை - தோனியின் ஃபினிஷிங்கிற்கு உலகெங்கிலும் இருந்து ரசிகர்கள் வாழ்த்துகளை தெரிவித்து வருகின்றனர்.