DC vs RR: இன்னைக்கு இரண்டு போட்டிகள்... முதல் போட்டியில உங்க ஆதரவு எந்த அணிக்கு?

2021 ஐபிஎல் தொடரில், இன்று நடைபெறும் 36வது ஆட்டத்தில் பண்ட் தலைமையிலான டெல்லி கேப்பிடல்ஸ் அணியும், சஞ்சு சாம்சன் தலைமையிலான ராஜஸ்தான் ராயல்ஸ் அணியும் மோத உள்ளன.

புள்ளிப்பட்டியலில் 14 புள்ளிகளுடன் டெல்லி இரண்டாவது இடத்திலும், 8 புள்ளிகளுடன் ராஜஸ்தான் ஐந்தாவது இடத்திலும் உள்ளது.

இதுவரை டெல்லி, ராஜஸ்தான அணிகள் 23 முறை நேருக்கு நேர் மோதியுள்ளன. அதில், 11 முறை டெல்லி கேப்பிடல்ஸ் அணியும், 12 முறை ராஜஸ்தான் அணியும் வெற்றி பெற்றுள்ளது.

இதுவரை, இரு அணிகளும் அபுதாபி மைதானத்தில் மோதியதில்லை. இன்று விளையாட இருக்கும் போட்டியே இரு அணிகளும் அபுதாபி மைதானத்தில் சந்திக்கப்போகும் முதல் போட்டி என்பதால், போட்டி யாருக்கு சாதகமாக இருக்கும் என்பது இன்றைய ஆட்டத்தைப் பொருத்து உள்ளது.

இரு அணிகளுக்கு இடையான மோதலில், முதலில் பேட்டிங் செய்து டெல்லி 6 முறையும், ராஜஸ்தான் 5 முறையும் வெற்றி பெற்றுள்ளன. சேஸிங் செய்து 5 முறை டெல்லியும், 7 முறை ராஜஸ்தானும் வெற்றி பெற்றுள்ளன.

இந்த சீசனின் முதல் பாதியில் டெல்லியும், ராஜஸ்தான் அணிகளும் மோதியபோது, 3 விக்கெட் வித்தியாசத்தில் ராஜஸ்தான் அணி வெற்றி பெற்றது.