CSK vs DC: ‛ஹாப்பி பர்த்டே பண்ட்.. களத்தில் சந்திப்போம்’ - டெல்லி கேப்டனுக்கு சிஎஸ்கே வாழ்த்து!

சென்னை, டெல்லி, பெங்களூரு அணிகளில் இரண்டு அணிகளுக்கு புள்ளிப்பட்டியலின் டாப் இரண்டு இடத்தில் நிறைவு செய்ய வாய்ப்பு உள்ளது. இந்நிலையில், இன்று துபாயில் நடைபெற இருக்கும் போட்டியில் சென்னை - டெல்லி அணிகள் மோதுகின்றன.

இதுவரை 24 முறை சென்னை, டெல்லி அணிகள் நேருக்கு நேர் மோதியுள்ளன. இதில், சென்னை அணி 15 முறையும், டெல்லி அணி 9 முறையும் வெற்றி பெற்றுள்ளது.

இன்று போட்டி நடைபெற இருக்கும் துபாய் மைதானத்தில் இரு அணிகளும் ஒரு முறை மோதியுள்ளன. இந்த போட்டியில், டெல்லி வெற்றி பெற்றுள்ளது.

இந்த சீசனில் சிறப்பாக விளையாடி வரும் சென்னை சூப்பர் கிங்ஸ், டெல்லி கேப்பிடல்ஸ் அணிகள் முதல் இரண்டு அணிகளாக ப்ளே ஆஃப் சுற்றுக்கு தகுதி பெற்றுவிட்டது.

டெல்லி கேப்பிடல்ஸ் அணி கேப்டன் பண்ட் இன்று பிறந்தநாள் கொண்டாடும் நிலையில், சென்னை சூப்பர் கிங்ஸ் அணி சார்பாக அவருக்கு வாழ்த்து தெரிவிக்கப்பட்டுள்ளது. “ஹாப்பி பர்த்டே, களத்தில் சந்திப்போம்” என சிஎஸ்கே பக்கம் ட்வீட் செய்துள்ளது.