IPL 2023 : வீக் எண்டை சிறப்பாக்கும் எல் க்ளாசிக்கோ ஆட்டம் வந்துவிட்டது..இன்று மோதவிருக்கும் சென்னை மற்றும் மும்பை அணிகள்!

ஐ.பி.எல் 2023 பிரமாண்டமாக தொடங்கி தற்போது விறுவிறுப்பாக நடந்து கொண்டிருக்கிறது.

இந்நிலையில் இன்று ஐ.பி.எல் இன் எல் க்ளாசிக்கோ என்று அழைக்கப்படும் சென்னை சூப்பர் கிங்ஸ் மற்றும் மும்பை இந்தியன்ஸ் அணிகள் மோதும் ஆட்டம் நடைபெற இருக்கிறது.

மும்பை வாங்கடே மைதானத்தில் நடக்கவிருக்கும் இப்போட்டியில், சென்னை அணியை எம்.எஸ்.தோனியும் மும்பை அணியை ரோஹித் ஷர்மாவும் தலைமை தாங்கவுள்ளனர்.

இதற்கு முன்னதாக சென்னை அணி 4 ஐ.பி.எல் கோப்பைகளையும் மும்பை அணி 5 ஐ.பி.எல் கோப்பைகளையும் கைப்பற்றியுள்ளது.

ஐ.பி.எல் 2023 புள்ளிப்பட்டியலில் சென்னை அணி ஆறாவது இடத்திலும் மும்பை அணி ஒன்பதாவது இடத்திலும் உள்ளது.

இன்று நடக்கவிருக்கும் ஐ.பி.எல் 2023இன் 12 ஆவது போட்டிக்காக வாங்கடே மைதானத்தில் மும்பை ரசிகர்களுக்கென பிரத்தியேகமாக எம்.ஐ ஃபேன் ஜோன் என்று இரு கேலரிகள் ஒதுக்கப்பட்டிருக்கிறது. அந்த கேலரிகளுக்குள் மற்ற அணி ரசிகர்கள் அனுமதிக்கப்படமாட்டார்கள் என்று தெரிவிக்கப்பட்டுள்ளது.