IPL finals 2023 : த்ரில் இருக்கா?..இருக்கி..கப் இருக்கா?..இருக்கி..கடைசி பந்தில் த்ரில் வெற்றிப் பெற்று ஐ.பி.எல் கோப்பைக்கு 5ஆம் முறை முத்தமிட்ட சி.எஸ்.கே!

ஐ.பி.எல் 2023இன் இறுதிப் போட்டி நேற்று அகமதாபாத் நரேந்திர மோடி மைதானத்தில் நடைப்பெற்றது. இப்போட்டியில் சென்னை சூப்பர் கிங்ஸ் மற்றும் குஜராத் டைட்டன்ஸ் அணிகள் மோதின.

டாஸ் வென்ற சென்னை அணி பந்துவீச்சை தேர்வு செய்ய, குஜராத் ஓப்பனர்கள் களமிறங்கி அதிரடியாக விளையாடினார்கள்.

தோனியின் மின்னல் வேக ஸ்டம்பிங்கில் சிக்கி 39 ரன்களுடன் வெளியேறினார், சுப்மன் கில். அடுத்ததாக களமிறங்கிய தமிழக வீரரான சாய் சுதர்சன் அதிரடியாக விளையாடி 96 ரன்களை சேர்த்தார். இதன் மூலம் 20 ஓவர்களில் 214 ரன்கள் எடுத்திருந்தது குஜராத் அணி.

இரண்டாவது இன்னிங்ஸின் தொடக்கத்திலே மழை பெய்ய, ஆட்டம் டி.எல்.எஸ் முறைக்கு மாற்றப்பட்டு சென்னை அணிக்கு 15 ஓவர்களில் 171 என்ற புதிய இலக்கு நிர்ணயிக்கப்பட்டது.

பிறகு களமிறங்கிய சென்னை ஓப்பனர்கள் கணிசமான ரன்களுடன் வெளியேற, அம்பத்தி ராயுடு, ஷிவம் துபே, ஜடேஜா என அவரவர் பங்குக்கு அதிரடியாக விளையாடி ரன்கள் சேர்த்தனர்.

இறுதியாக சென்னை அணிக்கு 2 பந்துகளில் 10 ரன்கள் தேவை என்றிருந்த நிலையில் ஒரு சிக்ஸ் மற்றும் ஒரு ஃபோர் அடித்து அணிக்கு வெற்றியைப் பெற்று தந்தார் ஜடேஜா.

இதன் மூலம் சென்னை அணி 5 ஆவது முறையாக கோப்பையை கைப்பற்றியது.