IPL 2024 : 12 ஆண்டுகளுக்கு பிறகு சென்னையில் நடக்கவிருக்கும் ஐ.பி.எல் இறுதிப்போட்டி..முழு அட்டவணையை வெளியிட்டது பி.சி.சி.ஐ!

ஐ.பி.எல் 2024 போட்டிகள் சென்னை சேப்பாக்கம் மைதானத்தின் கோலாகலமாக கடந்த 22 ஆம் தேதி தொடங்கி தற்போது விறுவிறுப்பாக நடைபெற்று வருகிறது.

முன்னதாக 21 போட்டிகள் கொண்ட முதல் செட் போட்டிக்கான அட்டவணை அறிவிக்கப்பட்டது.மேலும் மக்களவை தேர்தலின் தேதி அறிவிக்கப்பட்ட பிறகு மீதமுள்ள போட்டிகளுக்கான அட்டவணை வெளியிடப்படும் என்று அறிவிக்கப்பட்டது.

தற்போது இந்தியன் பிரீமியர் லீக் (ஐபிஎல்) 2024க்கான முழு அட்டவணையை இந்திய கிரிக்கெட் கட்டுப்பாட்டு வாரியம் (பிசிசிஐ) அறிவித்துள்ளது.

புதிய அட்டவணையின்படி சென்னை சேப்பாக்கம் மைதானத்தில் ஏப்ரல் 8, 23 ஏப்ரல், ஏப்ரல் 28, மே 1, மே 12 ஆகிய தேதிகளில் லீக் போட்டிகள் நடைபெற இருக்கிறது.

மேலும் குவாலிபையர் 2 (மே 24) மற்றும் இறுதிப்போட்டியும் (மே 26) சென்னையில் நடைபெறும் என்றும் அறிவிக்கப்பட்டுள்ளது.

12 ஆண்டுகளுக்கு பிறகு இந்த வருடம் சென்னையில் ஐ.பி.எல் இறுதிப்போட்டி நடைபெற இருப்பது குறிப்பிடத்தக்கது.