Arjun tendulkar : நாய் கடித்ததில் அர்ஜூன் டெண்டுல்கர் இடது கையில் காயம்..சோகத்தில் மும்பை ரசிகர்கள்!

இந்திய கிரிக்கெட் அணியின் ஜாம்பவானான சச்சின் டெண்டுல்கரின் மகன் அர்ஜூன் டெண்டுல்கர், ஐ.பி.எல் லில் மும்பை இந்தியன்ஸ் அணிக்காக விளையாடி வருகிறார்.

இவர் இடது கை மீடியம் ஃபாஸ்ட் பவுலர் ஆவார்.

இன்று மும்பை மற்றும் லக்னோ அணிகளுக்கு இடையிலான போட்டி, லக்னோவில் உள்ள ஏகானா மைதானத்தில் நடைப்பெறவிருக்கிறது

இந்நிலையில் பயிற்சியில் ஈடுபட்டு கொண்டிருந்த அர்ஜூன் டெண்டுல்கரின் பவுலிங் செய்யும் கையில் நாய் கடித்து விட்டதாக கூறப்படுகிறது.

கடந்த 13 ஆம் தேதி இவருக்கு நாய் கடித்ததாகவும் அதனால் வலை பயிற்சியில் பங்கேற்கவில்லை என்றும் கூறப்படுகிறது.

இந்த சீசன் ஐ.பி.எலில் 4 போட்டிகளில் ஆடிய அர்ஜூன், 3 விக்கெட்டுகளை கைப்பற்றியுள்ளார் என்பது குறிப்பிடத்தக்கது.