Squash World Championship: சென்னையில் நடந்து வரும் ஸ்குவாஷ் உலகக் கோப்பை..அரையிறுதியில் இந்தியா அதிர்ச்சி தோல்வி!

ஸ்குவாஷ் உலகக் கோப்பை தொடர் சென்னையில் ஜூன் 13 ஆம் தேதி தொடங்கி இன்று வரை நடைப்பெற்று வருகிறது.

நேற்று இப்போட்டியின் அரையிறுதி ஆட்டம் நடைப்பெற்றது. முதலில் நடப்பு சாம்பியனான எகிப்து மற்றும் ஜப்பான் அணிகள் மோதியதில் எகிப்து 4-0 என்ற கணக்கில் வெற்றி பெற்று இறுதிப் போட்டிக்கு முன்னேறியது.

அடுத்ததாக நடைப்பெற்ற மற்றொரு அரை இறுதி ஆட்டத்தில் இந்தியா மற்றும் மலேசிய அணிகள் மோதின. அதில் 0-3 என்ற கணக்கில் இந்தியா அதிர்ச்சி அளிக்கும் வகையில் தோல்வியை தழுவியது.

ஜோஷ்னா சின்னப்பா 1-3 என்ற கணக்கில் அய்ரா அஸ்மானிடமும், அபய் சிங் 2-3 என்ற சாய் ஹங்கிடமும், சவுரவ் கோஷல் 1-3 என்ற கணக்கில் டேரன் பிரகாசத்திடமும் வீழ்ந்தனர்.

முன்னதாக புள்ளிப்பட்டியலில் இந்தியா 2 ஆவது இடத்திலும் மலேசியா 4 ஆவது இடத்திலும் இருந்தது குறிப்பிடத்தக்கது.

இத்தொடரின் ஆரம்பத்தில் இருந்தே சிறப்பாக ஆடி வந்த இந்திய அணி அரையிறுதியில் தோல்வியை தழுவியுள்ளது இந்திய ரசிகர்களை அதிர்ச்சியில் ஆழ்த்தியுள்ளது.