சாதனை படைத்த கிறிஸ்டியானோ ரொனால்டோ.. 5-2 என்ற கோல் கணக்கில் வெற்றி பெற்ற அல்நசர் அணி!

புகழ்பெற்ற சவுதி அரேபியா கிங்ஸ் கோப்பை கால் இறுதி போட்டியில் முன்னாள் இரவு பலம் வாய்ந்த அல் நசர் அணியும் அல் ஷபாப் அணியும் மோதின.

இதில் தொடக்கம் முதலே ஆதிக்கம் செலுத்தி வந்த இரு அணிகளும் மாறி மாறி பந்தை வலைக்குள் தள்ள கடுமையாக போராடின.

ஆட்ட நேர முடிவில் அல் நசர் அணி 5-2 என்ற கோல் கணக்கில் அபார வெற்றி பெற்றது. இதில் அல்நசர் அணி சார்பாக எஸ்.போஃபானா 17', எஸ். மானே 28', ஏ. கரீப் 45+4', சி. ஆர். ரொனால்டோ 74' எம். மரான் 90+6' நிமிடங்களில் தங்களுடைய அணிக்காக கோலை பதிவு செய்து அணிக்கு வெற்றியை தேடித் தந்தார்கள்.

அல் ஷபாப் அணியின் சார்பாக கார்லோஸ் 24' பாபாரி 90' நிமிடங்களில் கோலை பதிவு செய்தனர்.

போர்ச்சுக்கல் தேசிய கால் பந்து அணியின் கேப்டனும் சர்வதேச கால்பந்து உலகின் நட்சத்திர வீரரான கிறிஸ்டியானோ ரொனால்டோ இந்த போட்டியில் கோல் அடித்ததன் மூலம் சவுதி அரேபியா அல் நசர் அணிக்காக 50 கோல் அடித்துள்ளார்.

அதுமட்டுமல்லாமல் அதிவேகமாக 50 கோல்களை அடித்த முதல் வீரர் என்ற சாதனையையும் கிறிஸ்டியானோ ரொனால்டோ பெற்றுள்ளார்.