Shubman Gill : பாகிஸ்தானுக்கு எதிரான போட்டியில் சுப்மன் கில் விளையாடுவாரா?

உலகக்கோப்பை கிரிக்கெட் திருவிழாவில் இந்தியா மற்றும் பாகிஸ்தான் அணிகள் மோதும் போட்டி வரும் 14 தேதி குஜராத்தில் உள்ள நரேந்திர மோடி ஸ்டேடியத்தில் நடைபெற உள்ளது.

உலகக்கோப்பை கிரிக்கெட் போட்டி தொடங்கியதிலிருந்தே இந்திய அணியின் தொடக்க வீரர் சுப்மன் கில் டெங்கு காய்ச்சலால் அவதிப்பட்டு வருகிறார்.

இந்நிலையில் மருத்துவர்களின் பார்வையில் இருக்கும் சுப்மன் உடல்நிலையில் தொடர்ந்து தேர்ச்சியடைந்து வருகிறார் என்ற தகவலை இந்திய அணியின் தலைமை பயிற்சியாளர் ட்ராவிட் தெரிவித்திருந்தார்.

இந்தியா மற்றும் ஆஸ்திரேலியா போட்டியின் போது மருத்துவ சிகிச்சையில் இருந்த சுப்மன் தற்போது இந்தியா மற்றும் பாகிஸ்தான் மோதும் போட்டிக்கு இந்திய அணி வீரர்களுடன் சுப்மன் சென்றுள்ளதாக தகவல்கள் வெளியாகியிருக்கின்றன.

இருப்பினும் இந்திய அணியின் தலைமை பயிற்சியாளர் ட்ராவிட் தரப்பிலிருந்து எந்த அறிவிப்பும் வெளியாகவில்லை என்பது குறிப்பிடத்தக்கது.

இதற்கிடையில் சுப்மன் பேட்டிங் செய்வது போன்ற புகைப்படங்கள் தற்போது இணையத்தில் வைரலாகி வருகின்றன. ஒரு வேலை சுப்மன் முழு உடல் தகுதி பெறும் நிலையில் பாகிஸ்தான் போட்டிக்கு அடுத்த போட்டியில் விளையாட வாய்ப்புள்ளது.