CSG Vs LKK : சாய் சுதர்சனின் அரைசதத்தால் அபார வெற்றி பெற்ற கோவை கிங்ஸ்!

டி.என்.பி.எல் கிரிக்கெட் போட்டியின் 7வது சீசன் தற்போது நடைபெற்று வருகிறது.நேற்று நடந்த 9வது ஆட்டத்தில் கோவை அணி, சேப்பாக்கம் அணியை எதிர்கொண்டது.

டாஸ் வென்ற கோவை அணியின் கேப்டன் ஷாருக்கான் பந்துவீச்சை தேர்வு செய்தார். முதலில் பேட்டிங் ஆடிய சேப்பாக்கம் அணி சிறப்பாக ஆடவில்லை.

சேப்பாக்க அணியின் அனைத்து வீரர்களும் சொற்ப ரன்களில் ஆட்டம் இழந்தனர். 20 ஓவர் முடிவில் 126 ரன்கள் மட்டுமே அடித்திருந்தது சேப்பாக்க அணி.அதிகபட்சமாக ஹரிஷ் குமார் மட்டும் 32 ரன்கள் அடித்தார்.

127 ரன்கள் எடுத்தால் வெற்றி என்ற எளிமையான இலக்குடன் களமிறங்கிய கோவை அணியின் தொடக்க ஆட்டகாரர் சச்சீன் 14 ரன்களுக்கு ஆட்டமிழந்து ஏமாற்றம் அளித்தார்.

சுரேஷ் குமாருடன் கைகோர்த்த சாய் சுதர்சன் சிறப்பாக ஆடி அணியை வெற்றி பாதைக்கு அழைத்து சென்றார். பின் சுரேஷ் 47 ரன்கள் குவித்த பின் ஆட்டமிழந்தார்

இறுதியில் சாய் சுதர்சனின் அதிரடி ஆட்டத்தால் கோவை அணி 16.3 ஓவரில் 128 எடுத்து தனது 2வது வெற்றியை பதிவு செய்தது.